قىرعىزستاننىڭ ۇلتتىق قاۋىپسىزدىك كوميتەتى حالىقارالىق تەرروريستىك ۇيىمنىڭ سودىرىن ۇستادى, دەپ حابارلايدى Egemen.kz.
ءدىني-ەكسترەميستىك جانە تەرروريستىك قۇرىلىمداردى انىقتاۋ جانە جولىن كەسۋ اياسىندا «كاتيبا تاۋحيد ۆال-دجيحاد» (قازاقستاندا تىيىم سالىنعان) حالىقارالىق تەرروريستىك ۇيىمىنىڭ سودىرى ۇستالدى.
ۆەدومستۆودا اتاپ وتكەندەي, ول بۇرىن سيريادا ديۆەرسيالىق دايىندىقتان ءوتىپ, انتيتەرروريستىك كواليتسيا كۇشتەرىنە قارسى ۇرىس قيمىلدارىنا قاتىسقان.
«ۇستالعان ادام حالىقارالىق تەرروريستىك ۇيىم باسشىلارىنىڭ تاپسىرماسى بويىنشا ءوزىن-ءوزى ءولتىرۋشى تەرروريست رەتىندە تەرروريستىك اكت جاساۋ ءۇشىن ايماقتاعى ەلدەردىڭ بىرىنە جىبەرىلگەن», دەلىنگەن ۆەدومستۆو حابارلاماسىندا.
ۇستالعان ازامات تەرگەۋ يزولياتورىنا قامالدى. تەرگەۋ شارالارى جالعاسۋدا.