بۇگىن قازاقستاندىق التى اۋىر اتلەت دوپينگ داۋىنا ىلىكتى. ولاردىڭ دوپينگ تالداۋلارى وڭ ناتيجە كورسەتكەن. بۇل تۋرالى قازاقستاننىڭ اۋىر اتلەتيكا فەدەراتسياسى ارنايى مالىمدەمە جاسادى, دەپ حابارلايدى Egemen.kz.
2022 جىلعى 9 اقپان مەن 2 ناۋرىز ارالىعىندا قازاقستان ۇلتتىق دوپينگكە قارسى كۇرەس ورتالىعى جارىستان تىس دوپينگ-باقىلاۋ اياسىندا اۋىر اتلەتيكادان قر ۇلتتىق قۇراما كومانداسىنىڭ سپورتشىلارىن تەستىلەۋدەن وتكىزدى.
باقىلاۋ قورىتىندىسى بويىنشا كەلەسى سپورتشىلار دوپينگ قولدانعانى انىقتالدى:
ابىلاي اۋەلحانوۆ; يگور سون; يۋليا پوتاسوۆا; رۋفينا شالقاروۆا; الەكسەي دروزدوۆ; ماتۆەي ماكرۋشين.بارلىق سپورتشىلار الماتى وبلىسىنىڭ وكىلدەرى.
قر اۋىر اتلەتيكا فەدەراتسياسى وقيعاعا قاتىستى ىشكى تەرگەۋ جۇرگىزۋدى جوسپارلاپ وتىر.