بىرىڭعاي جيناقتاۋشى زەينەتاقى قورى سالىمشىلارىنىڭ زەينەتاقى جيناقتارى 2022 جىلعى 1 ناۋرىزداعى جاعداي بويىنشا 13,6 تريلليون تەڭگەگە جەتتى. بۇل رەتتە ەكى ايداعى ينۆەستيتسيالىق تابىس 522 ملرد تەڭگەدەن استى, دەپ حابارلايدى Egemen.kz.
«زەينەتاقى جيناقتارىنىڭ ايتارلىقتاي ءوسىمى تازا ينۆەستيتسيالىق تابىستىڭ ارقاسىندا قامتاماسىز ەتىلدى. ول 2022 جىلدىڭ 1 قاڭتارىنان 1 ناۋرىزىنا دەيىن شامامەن 522,3 ملرد تەڭگەنى قۇرادى. بۇل وتكەن جىلعى كورسەتكىشىنەن ەكى ەسە نەمەسە 304,4 ملرد تەڭگەگە ارتىق», دەلىنگەن بجزق حابارلاماسىندا.
ۇلتتىق بانكتىڭ باسقارۋىمەن بجزق زەينەتاقى اكتيۆتەرى بويىنشا كىرىس 2022 جىلدىڭ باسىنان باستاپ 4%-دى, ينفلياتسيا 1,5%-دى قۇرادى. بۇل رەتتە سوڭعى كۇنتىزبەلىك 12 ايدا كىرىس 13,65%-دى, وسى كەزەڭدەگى ينفلياتسيا كەزىندە 8,7%-دى قۇرادى.
ەسكە سالا كەتسەك, ينۆەستيتسيالىق تابىستىڭ قۇرامىنا باعالى قاعازدار بويىنشا سىياقى تۇرىندەگى كىرىستەر, قارجى قۇرالدارىن نارىقتىق قايتا باعالاۋ تۇرىندەگى كىرىستەر, ۆاليۋتالىق قايتا باعالاۋ تۇرىندەگى كىرىستەر, سىرتقى باسقارۋداعى اكتيۆتەر بويىنشا كىرىستەر جانە باسقالارى كىرەدى.
جالپى, بارلىق زەينەتاقى اكتيۆتەرى بجزق-عا بىرىكتىرىلگەن ساتتەن باستاپ ۇلتتىق بانك قامتاماسىز ەتكەن ينۆەستيتسيالىق تابىس 6,6 ترلن تەڭگەنى قۇرادى.
«وسىلايشا, جيناقتاۋشى زەينەتاقى جۇيەسى قولدانىلا باستاعان كەزدەن باستاپ 2022 جىلعى 1 ناۋرىزعا دەيىنگى كەزەڭدە زەينەتاقى اكتيۆتەرىنىڭ ناقتى كىرىسى 155,90%-دى قۇرادى», دەيدى بجزق ءباسپاسوز قىزمەتى.