ۇلتتىق ەكونوميكا مينيسترلىگى سالىق كودەكسىنە رەسپۋبليكالىق ماڭىزى بار ەرەكشە قورعالاتىن اۋماقتاردى پايدالانعانى ءۇشىن تولەم ستاۆكالارىن بەلگىلەيتىن تۇزەتۋلەر دايىندادى, دەپ حابارلايدى Egemen.kz.
وزگەرىستەر 591-باپقا ەنگىزىلەدى.
اتاپ ايتقاندا, كەلەسى تولەماقى مولشەرلەمەلەرى كوزدەلەدى:
جاياۋ جۇرگىنشىدەن - 0,1 اەك (306,3 تەڭگە); موتوتسيكلدەر, موپەدتەر, كۆادروتسيكلدەر - 0,2 اەك (612,6 تەڭگە); جەڭىل اۆتوموبيلدەر - 0,3 اەك (918,9 تەڭگە); 16 ورىنعا دەيىنگى شاعىن اۆتوبۋستار جانە جۇك اۆتوموبيلدەرى - 1 اەك (3063 تەڭگە); 32 ورىنعا دەيىنگى اۆتوبۋستار - 2 اەك (6126 تەڭگە); 32 ورىننان جوعارى اۆتوبۋستار - 3 اەك (9189 تەڭگە).كورسەتىلگەن مولشەرلەمەلەر ەرەكشە قورعالاتىن تابيعي اۋماقتا بولعان ءاربىر كۇن ءۇشىن بەلگىلەنەدى.
قۇجات 6 ساۋىرگە دەيىن اشىق نقا سايتىندا جاريا تالقىلاۋ ءۇشىن ورنالاستىرىلعان.
قازىرگى ۋاقىتتا رەسپۋبليكالىق ماڭىزى بار ەرەكشە قورعالاتىن تابيعي اۋماقتاردى پايدالانعانى ءۇشىن تولەماقى ستاۆكالارى كەلۋشىلەر ساناتىنا بولىنبەستەن, 0,1 اەك ەسەبىنەن ايقىندالادى.