دۇنيەجۇزىلىك دەنساۋلىق ساقتاۋ ۇيىمى كوروناۆيرۋستىق ينفەكتسيا ەش جەردە جويىلماعانىن جانە ءالى دە ۇلكەن قاۋىپ توندىرەتىنىن ەسكە سالدى, دەپ حابارلايدى Egemen.kz.
ددۇ COVID-19 پاندەمياسىنىڭ اياقتالۋىنان ءالى الىس ەكەنىن جانە «وميكرون» كوروناۆيرۋستىڭ سوڭعى قاۋىپتى ءتۇرى دەگەن قاۋەسەت جالعان اقپارات ەكەنىن ايتتى.
ۇيىمنىڭ مالىمەتىنشە, اپتانىڭ باسىندا الەمدە كوروناۆيرۋستىق ينفەكتسيانىڭ راستالعان جاعدايلارىنىڭ سانى 12,5 ميلليونعا ارتتى, بۇل الدىڭعى جەتى كۇنگە قاراعاندا ميلليونعا كوپ.
«پاندەميا ءالى اياقتالعان جوق. ءبىز ونىڭ ەپيتسەنترىندە تۇرمىز», دەدى ۇيىمنىڭ رەسمي وكىلى مارگارەت حارريس.
ساراپشىلار الەمدە اۋرۋدىڭ جاڭا ءورشۋىن بىرقاتار فاكتورلارمەن بايلانىستىرادى.
ساراپشىلاردىڭ پىكىرىنشە, الەمدە ىندەتكە قارسى قورعانىس جانە شەكتەۋ شارالارىنىڭ جالپى تومەندەۋى ءوسۋ فاكتورى بولۋى مۇمكىن.
قوسىمشا بولجامدار جاساي وتىرىپ, ددۇ ماماندارى جاڭا تولقىنمەن كۇرەسۋ ءۇشىن ۆاكتسيناتسيانى كۇشەيتۋدى ۇسىنادى.