قوستاناي قالاسىنا جاڭا اكىم كەلدى, دەپ حابارلايدى Egemen.kz قوستاناي وبلىسى اكىمىنىڭ ءباسپاسوز قىزمەتىنە سىلتەمە جاساپ.
بۇگىن قوستاناي قالاسى ءماسليحاتىنىڭ دەپۋتاتتارىنىڭ كەلىسىمىمەن جانە وبلىس اكىمى ارحيمەد مۇحامبەتوۆتىڭ بۇيرىعىمەن مارات قونىسباي ۇلى جۇندىباەۆ قوستاناي قالاسىنىڭ اكىمى بولىپ تاعايىندالدى.
مارات جۇندىباەۆ – قوستاناي اۋدانى نوۆوسەلوۆكا اۋىلىنىڭ تۋماسى, ءۇش جوعارى ءبىلىمى بار.
20 جىلدان بەرى قوستاناي وبلىسى جەرگىلىكتى اتقارۋشى ورگاندارى قۇرىلىمىندا ءتۇرلى قىزمەتتەر اتقارعان, سونىڭ ىشىندە وبلىس اكىمىنىڭ ورىنباسارى بولعان. پرەزيدەنت اكىمشىلىگىندە مەملەكەتتىك ينسپەكتور بولعان.
قر پرەزيدەنتى اكىمشىلىگىنىڭ كەلىسىمىمەن قايرات جۇماش ۇلى احمەتوۆ ءوز ەركىمەن قىزمەتىنەن بوساتىلدى.
ارحيمەد مۇحامبەتوۆ قايرات احمەتوۆكە اتقارعان قىزمەتى ءۇشىن العىس ايتتى.