جاسىل جەلەككە ورانعان ءوڭىر

مەملەكەت باسشىسى قاسىم-جومارت توقاەۆ ەلىمىزدى جاسىلداندىرۋ ىسىنە ەرەكشە كوڭىل ءبولىپ, 2 ملرد ءتۇپ اعاشىن وتىرعىزۋدى تاپسىرعان بولاتىن. پرەزيدەنت تاپسىرماسىنا سايكەس, ەلىمىزدە جىل سا­يىن ميلليونداعان ءتۇپ اعاش وتىر­عىزىلۋدا. ونىڭ ىشىندە 140 ملن ءتۇپ اعاش 2025 جىل­عا دەيىن جامبىل وبلىسىنىڭ مەملەكەتتىك ورمان قورىنا ەگىلۋى ءتيىس ەكەن. ال ايماقتاعى مەم­لەكەتتىك ورمان قورىنىڭ جالپى كولە­مى 4 427 034 گەكتار بولسا, ونىڭ 2 357 123 گەكتار جەرىنە اعاشتار ەگىلگەن. الداعى ۋاقىتتا دا بۇل جۇمىس جالعاسادى. قا­زىر­گى كەزدە پرەزيدەنت تاپسىرماسىن ورىنداۋ ماقساتىندا جام­بىل وڭىرىندە كەشەندى جوس­پار بەكىتىلگەن. وبلىس بويىنشا ءار كوك­تەم سايىن مىڭداعان ءتۇپ اعاش وتىرعىزىلادى. بۇل باس­تا­ما ايماقتاعى ەكولوگيالىق تا­زا­لىقتى ساقتاۋعا ەلەۋلى ۇلەس قو­سىپ كەلەدى. «كەشەندى جوسپارعا سايكەس, وتكەن جىلى وبلىستىڭ مەملەكەتتىك ورمان قورىنداعى 7 300 گەكتار القاپقا 10,6 ملن ءتۇپ اعاش وتىرعىزىلدى. بىلتىر جالپى كۇزگى ساناق قورىتىندىسى بويىنشا 18 مىڭ گەكتار اۋماق ورمان كومكەرىلگەن جەرلەر كاتەگورياسىنا اۋىستىرىلدى. ال بيىل 13 290 گەكتار جەرگە 24,6 ملن ءتۇپ اعاش وتىرعىزۋ جوسپارلانعان», دەيدى وبلىستىق تابيعي رەسۋرس­تار جانە تابيعات پايدالانۋدى رەتتەۋ باسقارماسى باسشىسىنىڭ ورىنباسارى ايبار ادىلباقوۆ. قازىرگى كوكتەم مەزگىلىندە بۇل جۇمىستار باستالىپ تا كەتكەن.

قورشاعان ورتانى قورعاۋ سول قوعام مۇشەلەرىنىڭ مىندەتى. وسى ورايدا, وڭىردە جاستار اراسىندا ەكولوگيالىق مادەنيەتتى قالىپتاستىرۋ ماقساتىندا دا كەشەندى جۇمىستار جۇرگىزىلۋدە. بۇل جۇمىستار دا ءوڭىردىڭ جاسىل جەلەكپەن كومكەرىلۋىنە ايتارلىقتاي ۇلەس قوسادى. سونىڭ ءبىرى  – تاراز قالاسى مەن اي­ماق­تىڭ بارلىق اۋداندارىندا وتكەن «تازا پاركتەر» جاستار ەكو­لوگيالىق اكتسياسى. اتالعان اكتسياعا ايماقتاعى بەلسەندى جاس­تار اتسالىسىپ, ءوڭىردى جاسىلداندىرۋ جۇمىسىنا ۇلەس قوسقان. سونداي-اق وبلىستىق جاستار سايا­ساتى ماسەلەلەرى باسقارماسىنىڭ ۇيىتقى بولۋىمەن وتكەن Álemdi ózgert ۇزدىك جوبالار بايقاۋىن دا اتاپ وتكەن دۇرىس. اتالعان باسقارمانىڭ باسشىسى سەرىكبول بەرىكقوجانىڭ ايتۋىنشا, تاراز قالالىق جانە اۋداندىق جاستار رەسۋرستىق ورتالىقتارى تاراپىنان قورشاعان ورتانى قورعاۋ, وزەندەر مەن ورمانداردى تازالاۋ جانە اعاشتار وتىرعىزۋ ماق­ساتىندا «ەكولوگيالىق ما­دەنيەت» باعىتى اياسىندا 13 558 ادامدى قامتىعان ءىس-شارالار وتكەن. بۇل رەتتە وبلىستىق ءبىلىم باسقارماسى دا «تابيعات جانە ءبىز» ەكو­چەل­لەندجى مەن «تابيعاتتى قورعاۋ – بولاشاقتى ويلاۋ» ەكواكتسياسىن ۇيىمداستىرىپ, وقۋشىلاردى دا جاسىلداندىرۋ جۇمىستارىنا تارتقان. جالپى, جامبىلدىق جاستار بۇگىندە بۇل جۇمىستا بەلسەندىلىك تانىتۋدا. «جاستار اراسىندا تابيعاتتى قورعاۋ تاقىرىپتارىندا تيمبيلدينگ پەن «جاسىل اۋلا» اعاش وتىرعىزۋ اكتسيالارى ءوتتى. ال تاراز قالاسى مەن بارلىق اۋداندارداعى ەكولوگيالىق تىرەك مەكتەپتەرىندە جاستارعا ەكو­لو­گيالىق ءبىلىم مەن تاربيە بەرۋ باعىتىندا «ەكومەكتەپ» جوباسى جۇيەلى جۇمىس جۇرگىزدى. وبلىستىق جاستار ساياساتى ماسە­­لەلەرى باسقارماسىنىڭ ۇيىم­­داستىرۋىمەن جاستار ارا­­­­سىندا ەكولوگيالىق مادە­نيەت­­تى نىعايتۋ ماقساتىندا «تازاLike» اتتى 20 سەنبىلىك پەن 15 مادەني-كوپشىلىك ءىس-شارا ۇيىم­داستىرىلدى. سونىمەن قاتار «قازاقستان جاستارىنىڭ فراك­تسياسى» قوعامدىق قورىنىڭ ۇيىمداستىرۋىمەن «جاسىل اۋلا» اتتى اعاش وتىرعىزۋدان اكتسيا ءوتىپ, 20 ەرىكتى مەن جەر­گىلىكتى تۇرعىنداردىڭ اتسالىسۋىمەن وبلىس ورتالىعىنداعى 15-شاعىناۋداندا 300 كوشەت وتىرعىزىلدى. بۇل جۇمىستار جالعاسا بەرەدى», دەيدى باسقارما باسشىسى سەرىكبول بەرىكقوجا.

كوكتەم كەلىپ, كۇن جىلىنعان ساتتە وڭىردە اعاش وتىرعىزۋ جۇمىستارى ءتىپتى جاندانا ءتۇستى. م.ح.دۋلاتي اتىنداعى تاراز وڭىرلىك ۋنيۆەرسيتەتىنىڭ جاس­تار ءىسى جونىندەگى كوميتەتىنىڭ ۇيىمداستىرۋىمەن جاستار اراسىندا ەكولوگيالىق مادەنيەتتى قالىپتاستىرۋ ماقساتىندا Green garden كوگالداندىرۋ جانە «تازا­Like» سەنبىلىكتەر وتكىزۋ جوبالارى قولعا الىنعان. اتالعان جوبالارعا 200-دەن اسا ەرىكتى جاس­تار اتسالىسىپ, قو­عامدىق جۇ­مىستارعا تارتىلىپ وتىر.  سون­داي-اق «تازاLike» جوباسى اياسىندا تاراز قالاسىنىڭ اۋماعىندا 30-دان اسا سەنبىلىك ءوتىپ, Green garden جوباسى بو­يىنشا 100-دەن اسا جەمىس تالى ەگىلگەن.

جامبىل وبلىسى