قارا جاشىكتەر دە جوق. قۇتقارۋشىلار اۋە كەمەسىندە بولعان 123 جولاۋشى مەن 9 ەكيپاج مۇشەسىنىڭ قۇجاتتارى مەن كيىمدەرىنىڭ قالدىقتارىن عانا تاپقان, دەپ حابارلايدى Egemen.kz 24.kz-كە سىلتەمە جاساپ.
بيلىك لاينەر قاتتى تالقاندالعاندىقتان اپاتتىڭ سەبەبىن انىقتاۋ قيىنعا سوعۋى مۇمكىن دەيدى.
ەسكە سالساق, وتكەن دۇيسەنبى كۇنى قىتايدىڭ وڭتۇستىك باتىسىنداعى كۋنمين قالاسىنان گۋانچجوۋعا بەت العان «شىعىس قىتاي اۋە جەلىلەرى» كومپانياسىنا تيەسىلى «بوينگ 737» اپاتقا ۇشىراعان بولاتىن.
اۋە كەمەسى الدىمەن راداردان جوعالىپ كەتىپ, ارتىنان قۇتقارۋشىلار ونىڭ سىنىقتارىن تەنسيان ۋەزىندەگى تاۋلى ايماقتان تاپقان.
- اۋە ديسپەتچەرلەرى ەكيپاجبەن بىرنەشە رەت حابارلاسپاق بولعانىمەن جاۋاپ الا المادى. ارتىنان ۇشاقتىڭ ۋچجوۋ قالاسىنىڭ ماڭىندا اپاتقا ۇشىراعانى بەلگىلى بولدى. قۇتقارۋشىلار امان قالعان ادامدار بولۋى مۇمكىن دەگەن ۇمىتپەن اپات اۋدانىن قورشاپ ىزدەستىرۋ-قۇتقارۋ جۇمىستارىن جۇرگىزىپ جاتىر. بۇل بوينگ-737 800 ۇشاعىن قىتايعا 2015 الىپ كەلگەن. سودان بەرى 18 مىڭنان اسا ساعات ۇشقان, - دەدى قىتاي ازاماتتىق اۆياتسياسى باسقارماسىنىڭ وكىلى چجۋ تاو.