قر اۋىل شارۋاشىلىعى ءمينيسترى ەربول قاراشوكەەۆ ۇكىمەت وتىرىسىندا تىڭايتقىش باعاسىن رەتتەۋ باعىتىندا تىندىرىلعان شارۋالارعا توقتالدى, دەپ حابارلايدى Egemen.kz.
«مينەرالدى تىڭايتقىشتاردىڭ قولجەتىمدىلىگىنە كەلەر بولساق, جۇمىستار جوسپارلى تۇردە جۇرگىزىلۋدە. ۇكىمەت قولداۋىنىڭ ارقاسىندا ديقانداردىڭ سۇرانىسىن قاناعاتتاندىرۋ ءۇشىن وتاندىق مينەرالدى تىڭايتقىشتاردى وندىرۋشىلەرمەن ۋاعدالاستىققا قول جەتكىزىلدى. اممياك سەليتراسىنىڭ باعاسى 200 مىڭ تەڭگەدەن 160 مىڭ تەڭگەگە دەيىن تومەندەدى», ۆەدومستۆو باسشىسى.
ءمينيستردىڭ مالىمەتى بوينىشا, كوكتەمگى ەگىس جۇمىستارىن جۇرگىزۋ ءۇشىن اۋىل شارۋاشىلىعى تاۋارىن وندىرۋشىلەر «كەڭ دالا» باعدارلاماسى ارقىلى 70 ملرد تەڭگە كولەمىندە, ازىق-ت ۇلىك كەلىسىمشارت كورپوراتسياسىنىڭ فورۆاردتىق ساتىپ الۋ باعدارلاماسى ارقىلى 80 ملرد تەڭگە كولەمىندە جەڭىلدەتىلگەن كرەديتپەن قامتاماسىز ەتىلگەن.
«بۇل رەتتە, اعىمداعى جىلى فورۆاردتىق ساتىپ الۋ كولەمى 2 ەسەگە ارتتى. 17 ناۋرىزداعى جاعداي بويىنشا «كەڭ دالا» باعدارلاماسى بويىنشا 94,8 ملرد تەڭگە سوماسىنا وتىنىمدەر كەلىپ ءتۇسىپ, ونىڭ 46,6 ملرد تەڭگەسى قارجىلاندىرىلدى. وسىلايشا, بۇل ماقساتتارعا بولىنگەن كرەديتتىك رەسۋرستاردىڭ العاشقى 2 ترانشى تولىعىمەن دەرلىك يگەرىلدى. ازىق-ت ۇلىك كەلىسىمشارت كورپوراتسياسىنا 76 ملرد تەڭگەدەن استام سوماعا وتىنىمدەر كەلىپ ءتۇسىپ, ونىڭ 52,5 ملرد تەڭگەسى قارجىلاندىرىلدى», دەدى ەربول قاراشوكەەۆ.