مەملەكەت باسشىسىنىڭ جولداۋى حالىققا تىڭ سەرپىلىس بەردى. ءار جولداۋدا كوتەرىلگەن ماسەلە تىڭ بەتبۇرىستارمەن از ۋاقىتتىڭ ىشىندە قوعامدا كورىنىس تاپتى. پرەزيدەنتتىڭ ءار جولداۋىندا ۇكىمەتكە جۇكتەلگەن ناقتى تاپسىرمالارى كەزەڭ-كەزەڭىمەن جۇزەگە اسىرىلىپ كەلەدى. قوعام وزگەرە باستادى, جاۋاپكەرشىلىك قالىپتاستى.
بەيبىت شەرۋ قۇقىعى, زاڭنىڭ ءادىل ءارى بارىنە بىردەي ۇستەمدىك ەتۋى, جاساندى مونوپوليانىڭ ىقپالىن تەجەۋ ەل ەڭسەسىن تىكتەپ, سەنىمىن ارتتىرعانىمەن ءدال مۇنداي ساياسي رەفورماعا قارسىلىقتىڭ, تەكەتىرەس پيعىلدىڭ دا بولعانى بەلگىلى. كەشەگى «قاڭتار قاسىرەتىنىڭ» كورىنىسى وسىنىڭ ايعاعى. ەكى جارىم جىل ىشىندە مەملەكەتتى نىعايتۋ كەزەڭى ءىرى ساياسي رەفورمالاردى باستان كەشىرىپ وتىر. ءار جولداۋدا ساياسي جۇيەنىڭ جاڭا فورمۋلاسى ۇسىنىلىپ, حالىق الەۋمەتتىك مۇمكىندىكتەرگە قول جەتكىزدى.
بۇگىنگى جولداۋداعى سەمەي, جەزقازعان, الماتى وڭىرلەرىنىڭ وبلىس مارتەبەسىن قايتا يەلەنۋى حالىقتى ەرەكشە قۋانىشقا كەنەلتتى. وبلىس مارتەبەسىنەن ايىرىلعان قالالاردىڭ ينفراقۇرىلىمىنىڭ توزىعى جەتكەنى دە راس, حالىقتىڭ تۇرمىسىنىڭ تومەندەپ كەتكەنى دە راس. ەندى وسى ولقىلىقتىڭ ورنى تولىپ, ەلدىڭ كوركەيۋىنە جاڭا جول اشىلدى دەپ ويلايمىز. ءۇمىت وتى جاندى. كەشەگى وتكەن كوڭىلدەگى قاياۋدىڭ ورنى جوعىمىزدى بۇتىندەپ, جارامىز جازىلعانداي ءبىر-بىرىمىزدەن بۇگىن ءسۇيىنشى سۇراسىپ, قۋانىشتىڭ كۋاسى بولدىق. جوعالتقانىمىزدى تاۋىپ, ولجالى بولىپ وتىرمىز.
مەملەكەت باسشىسى قاسىم-جومارت توقاەۆتىڭ: «مەن حالىقتىڭ ەرتەڭ دەپ ەمەس, بۇگىن باقىتتى بولعانىن قالايمىن. ماعان جەكە ادامداردىڭ باعاسى ەمەس, حالىقتىڭ بەرگەن باعاسى قىمبات» دەگەن تۇلعالىق ءسوزى تەبىرەنتتى.
بۇقارالىق اقپارات قۇرالدارى باسەكەلەستىگىن ارتتىرۋ, وتاندىق اقپارات قۇرالدارىنىڭ الەمدەگى وقيعالارعا بايلانىستى ءوز كوزقاراستارىنىڭ بولۋى, ايتاققا, قالاماقىعا, سۇرانىسقا «قىزمەت» كورسەتىپ كەتەتىن جىلپوستىقتىڭ قوعامعا تيگىزەر زاردابىنان ساقتانۋ كەرەكتىگى دە اشىق, انىق ايتىلدى. ءتىپتى «بۇقارالىق اقپارات قۇرالدارى تۋرالى» زاڭدى قايتا قاراۋ كەرەكتىگىنە ءمان بەردى. سونىمەن قاتار ۇلتتىق قوعامدىق كەڭەستىڭ ۇلتتىق قۇرىلتايعا اينالۋى – حالىقتىڭ ءوزىنىڭ ارالاسۋىمەن جاڭا قوعام قۇرۋ, باستاماشىل, ىسكەر, ساياسي ورتا قالىپتاستىرۋعا مۇمكىندىك بەرۋ. بۇل, ارينە ءبىر ادامنىڭ عانا شەشىم شىعارۋىنا مۇقتاجدىقتان اراشالايدى. وسىنداي تاجىريبەلەر ارقىلى ساياسي ينستيتۋتتار جەتىلدىرۋ كەرەكتىگىن مەڭزەدى.
جولداۋداعى ماقسات-مۇددە – ۇلكەن بەتبۇرىس. جاڭا قازاقستان تۇبەگەيلى جاڭعىرۋعا بەت الدى. تاۋەلسىز ەلدىڭ ەرتەڭگى تاريحى بۇگىنگى كۇننىڭ جەڭىسى بولماق.
روزا مۇقانوۆا,
دراماتۋرگ,
مەملەكەتتىك سىيلىقتىڭ لاۋرەاتى