ەل ەڭسەسىن تىكتەيتىن باستاما

جالعاسىن تاپتى دەگەنىم, مەم­لەكەت باسشىسى قاسىم-جومارت توقاەۆ 2019 جىلى ءوزىنىڭ سايلاۋالدى باع­دارلاماسىندا  ساياسي رەفورمالار جاساۋدى اتاپ كورسەتكەن بولاتىن. ال سودان كەيىن وسى ۋاقىتقا دەيىنگى جول­داۋلارى ارقىلى بەرىلگەن تاپسىرمالارى ەلىمىزدەگى ساياسي ترانسفورماتسيا­نى كەزەڭ-كەزەڭىمەن ىسكە اسىرىپ جاتتى.

ناقتى ايتاتىن بولساق, ساياسي رەفور­مالاردىڭ ءتورت  توپتاماسى ىسكە استى. ال ادام قۇقىقتارى تۋرالى وڭتايلى ءارى وزەكتى وزگەرىستەردى پرەزي­دەنت كەشەگى جولداۋىندا ەرەكشە اتاپ ءوتتى. مۇنىڭ بارلىعى سىرتتاعى گەو­ساياسي جاعدايعا قاراماي, ىشتەگى ەكونو­ميكالىق احۋالدى تەجەگىش كورمەي, ءوزى باستاعان دەموكراتيالىق وزگەرىستەردى كەزەڭ-كەزەڭىمەن جۇزەگە اسىرىپ كەلگەنىن كەشەگى جولداۋ دا دالەلدەپ وتىر. بۇل جولداۋدى جاريالاۋ بارىسىندا ەلىمىزدىڭ بۇگىنى مەن بولاشاعى جولىندا وتە جاۋاپتى جانە باتىل باستامالار ايتىلىپ جاتقانىن ەستىپ, سول باستامالاردى ىسكە اسىرۋدىڭ ۇلكەن جاۋاپكەرشىلىك جۇكتەيتىنىن سەزىندىم. 

جولداۋدا پارلامەنتتىڭ وكىلەت­تىگىن ارتتىرۋعا, ماجوريتارلىق سايلاۋ جۇيەسىن بىرتىندەپ ەنگىزۋگە, پرە­زي­دەنتتەن باستاپ, وبلىس اكىمدەرىن, ساياسي قىزمەتكەرلەردى قوسىمشا ساياسي-قوعامدىق, پارتيالىق باسقارۋ مىن­دەتتەرىنەن بوساتۋعا, ەل ەكونوميكاسىن دامىتۋعا قاتىستى مىندەتتەردى ساپالى اتقارۋعا قاتىستى ناقتى تاپسىرمالار بەرىلدى. اسىرەسە, ەل ءۇشىن اسا ما­ڭىزدى, حالىقتىڭ كوپ نازار قويعانى سايلاۋ جۇيەسىن تۇبەگەيلى وزگەرتۋ با­عىتىنداعى شارالاردى ءسوز ەتتى.

سونىمەن قاتار وزىمە قاتتى جاقىن بولعان جاڭالىقتىڭ ءبىرى – ەلىمىزدە ءۇش جاڭا وبلىستىڭ پايدا بولۋى. بۇل سول وبلىستاردىڭ حالقىنا جاڭا مۇمكىندىك بەرەدى, ءومىر ساپاسىنىڭ جاقسارۋىنا جول اشادى. مەنىڭشە, حالىقتىڭ كوپتەن كۇتكەن, ەلدىڭ ەڭسەسىن كوتەرەتىن, جاڭا بەلەستەرگە باستايتىن باستامالار بۇل. وزگەرىس وڭايلىقپەن كەلمەيتىنىن تۇسىنسەك تە, پرەزيدەنت الەۋمەتتىك, ساياسي جانە ەكونوميكالىق تۇرعىدان وتە ماڭىزدى قادامدارعا بارا الاتىنىمىزدى كورسەتتى. مەن ءوزىم زور قۋانىشپەن قابىلداعان جاڭالىقتار كوپ بولدى, بۇل – جولداۋدا.

بۇل جۇمىستاردىڭ بارلىعىنا ءبىزدىڭ بەلسەندىلىگىمىز, جىگەرىمىز بەن كۇ­شىمىز اسا قاجەت. جاڭا قازاقستان­دى قۇرۋ جولىندا ءاربىرىمىز سول جاۋاپ­كەر­شىلىكتى سەزىنىپ, اركىم ءوز قولىنان كەلگەن ءىسىن ادال اتقارىپ, ەلدىگىمىز بەن ۇلت مۇددەسىن تۋ ەتىپ جۇمىس ىس­تەگەنىمىز ابزال. سوندىقتان وتانداس­تارىمدى وسى جۇمىسقا بىلەك سىبانا كىرىسۋگە شاقىرامىن. قاسىم-جومارت كەمەل ۇلىنىڭ مىنا ءبىر ءسوزىن وتە جا­قىن قابىلدادىم: «مەن ەل حالقىنىڭ ەرتەڭ ەمەس, بۇگىن جاقسى ءومىر سۇرگەنىن قالايمىن!» بۇل ءبارىمىز ءۇشىن – ۇلكەن سىن. سىن ساعاتتاردا سىندارلى ءىس-ارە­كەتتەر جاساۋ حالقىمىزعا ءتان قاسيەت. ەندەشە بىلەك سىبانا كىرىسەيىك!

ماكسيم روجين,

ۇلتتىق قوعامدىق سەنىم

كەڭەسىنىڭ مۇشەسى