قازاقستان پرەزيدەنتىنىڭ حالىققا جولداۋىنان كەڭەيتىلگەن ساياسي باعدارلامانى ەستىدىك. قاڭتار وقيعالارىنا قاتىستى تەرگەۋ ءالى ءجۇرىپ جاتقانى تۇسىنىكتى. قازاقستاننىڭ سەرىكتەستەرى, ەڭ ءبىرىنشى قازاقستان حالقى تەرگەۋدىڭ ناتيجەسىن كۇتىپ وتىر.
تەك ساياسي رەفورما عانا ەمەس, پرەزيدەنت توقاەۆتىڭ جىل باسىندا ايتقان الەۋمەتتىك-ەكونوميكالىق رەفورمالاردى تولىقتىرعانىن كوردىك. بۇل – وتە قۇپتارلىق قادام. سەبەبى الەۋمەتتىك-ەكونوميكالىق وزگەرىستەر ساياسي رەفورمامەن قاتار جۇرەدى.
ءبىز ساياسي جۇيەنى دەموكراتيالاندىرۋ, مەملەكەتتىك بيلىكتى ورتالىقسىزداندىرۋ باعىتىندا ناقتى قادامدار جاسالىناتىنىنا انىق كوز جەتكىزدىك. سونداي-اق باق-تاعى ءسوز بوستاندىعى مەن ساياسي پارتيالاردى تىركەۋدى وڭايلاتۋ جاعى ءسوز بولدى. زاماناۋي قوعام قالىپتاستىرۋ ەشقاشان كەش ەمەس. جانە بۇل جۇمىستى قوعامنىڭ ءوزىن ارالاستىرماي جۇزەگە اسىرۋ مۇمكىن ەمەس ەكەنىن تۇسىنەمىز. ءبىز ەۋروپالىق وداق, قازاقستاننىڭ سەرىكتەسى رەتىندە قولداۋعا دايىنبىز.
مۇنداي وزەكتى ماسەلەلەردىڭ كوتەرىلگەنى وتە دۇرىس, ءتيىمدى جۇزەگە اسىرىلۋى ودان دا ماڭىزدى ەكەنىن ايتا كەتكەن ءجون. ۇسىنىلعان رەفورما كولەمى كەڭ ەكەنى بەلگىلى. دەسە دە, وسى باستامالار ۋاقىت وتە كەلە ورىندالۋى كەرەك. ەو قازاقستانمەن كەڭەيتىلگەن ارىپتەستىك پەن ىنتىماقتاستىق تۋرالى كەلىسىمىنە ساي جۇمىس ىستەۋگە دايىن.
كەستۋتيس يانكاۋسكاس,
ەۋروپالىق وداقتىڭ قازاقستانداعى ەلشىسى