قر ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ قر پرەزيدەنتى جانىنداعى جاستار ساياساتى جونىندەگى كەڭەستىڭ وتىرىسىندا مەملەكەت باسشىسىنىڭ تاپسىرمالارىن ورىنداۋ اياسىندا جاستاردى جۇمىسپەن قامتۋ بويىنشا قابىلدانىپ جاتقان شارالار تۋرالى ايتتى, دەپ حابارلايدى Egemen.kz قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتىنە سىلتەمە جاساپ.
«2021 جىلدىڭ 4 توقسانىنداعى جاعداي بويىنشا جاستاردىڭ ەكونوميكالىق بەلسەندى بولىگى 1,9 ملن. ادامدى قۇرايدى, ولاردىڭ 96,3% جۇمىسپەن قامتىلعان. رەسپۋبليكا بويىنشا جۇمىسسىزدىقتىڭ جالپى دەڭگەيى 4,9% بولسا, جاستار جۇمىسسىزدىعى ەداۋىر تومەن دەڭگەيدە جانە 3,7% نەمەسە 73,3 مىڭ ادامدى قۇرايدى. بۇدان باسقا, 2020-2021 جىلدارى NEET جاستارىنىڭ ۇلەسى 7,1% – دان 6,7% - عا دەيىن تومەندەدى, بۇل ءىشىنارا ءبىلىم بەرۋ جانە جۇمىسپەن قامتۋ سالاسىنداعى مەملەكەتتىك جاستار ساياساتىن تابىستى ىسكە اسىرۋدى كورسەتەدى», دەپ حابارلادى ەحاقم باسشىسى.
مينيستر سوڭعى 5 جىل ىشىندە جاستاردى جۇمىسپەن قامتۋعا جاردەمدەسۋ شارالارى ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك« مەملەكەتتىك باعدارلاماسى اياسىندا ىسكە اسىرىلعانىن ەسكە سالدى. وسى كەزەڭدە قولداۋ شارالارى 1 ميلليوننان استام جاستارعا كورسەتىلدى, ولاردىڭ جارتىسى تۇراقتى جۇمىسقا ورنالاستى.