جىلدامدىعى جوعارى ينتەرنەت اتىراۋ وبلىسىنىڭ ەڭ شالعاي اۋىلىندا پايدا بولدى. قىزىلقوعا اۋدانىنىڭ سوركول اۋىلىنىڭ تۇرعىندارى زاماناۋي تەلەكوممۋنيكاتسيا قىزمەتتەرىنە قول جەتكىزدى, دەپ حابارلايدى Egemen.kz.
«وڭىردە اۋىلدىق ەلدى مەكەندەردى, سونىڭ ىشىندە شالعاي ەلدى مەكەندەردى جوعارى جىلدامدىقتى ينتەرنەتكە قوسۋ جالعاسۋدا. شاعىن سوركول اۋىلى قىزىلقوعا اۋدانى ينتەرنەت قولجەتىمدىلىكپەن قامتاماسىز ەتىلگەن ون ءۇشىنشى اۋىل بولدى. سوركولدە بارلىعى 23 ءۇي جانە 80 تۇرعىن بار. ول ميالى اۋدانى ورتالىعى مەن ساعىز كەنتى اراسىندا اتىراۋدان 300 كيلومەتردەن استام قاشىقتىقتا ورنالاسقان. ەلدى مەكەننىڭ الىس بولۋىنا بايلانىستى اۋىل تۇرعىندارىنا تەك سىمدى تەلەفون عانا قولجەتىمدى بولدى, ءموبيلدى بايلانىس مۇلدەم جۇمىس ىستەمەدى نەمەسە تۇراقسىز بولعان. ەندى اۋىل تۇرعىندارى تالشىقتى-وپتيكالىق بايلانىس جەلىسىنە قوسىلا باستادى. 23 ءۇيدىڭ 11-ءى ينتەرنەتكە قوسىلدى», دەپ حابارلادى قىزىلقوعا اۋدانى اكىمدىگىنىڭ ءباسپاسوز قىزمەتى.
ساپالى ينتەرنەتتىڭ كەلۋىمەن اۋىل تۇرعىندارىنا بازالىق قىزمەتتەر مەن سەرۆيستەر قول جەتىمدى بولادى: مەملەكەتتىك ورگاندارمەن, بانكتەرمەن, زەينەتاقى قورىمەن, تەلەمەديتسينامەن, ونلاين-كىتاپحانالارمەن, ماركەتپلەيستەرمەن قاشىقتىقتان ءوزارا ارەكەتتەسۋ, سونداي-اق الەۋمەتتىك جەلىلەردە جانە مەسسەندجەرلەردە قارىم-قاتىناس جاساۋ جانە تاعى باسقالار.