پاۆلودار وبلىسىنىڭ اكىمى ابىلقايىر سقاقوۆ نۇرلان دۇيسەمبينوۆتى اقسۋ قالاسىنىڭ جاڭا اكىمى رەتىندە تانىستىردى, دەپ حابارلايدى Egemen.kz پاۆلودار وبلىسى اكىمىنىڭ ءباسپاسوز قىزمەتىنە سىلتەمە جاساپ.
ءوڭىر باسشىسى جانات شۇعاەۆتىڭ دەنساۋلىق جاعدايىنا بايلانىستى ءوزىنىڭ ءوتىنىشى نەگىزىندە قىزمەتىنەن بوساتىلعانىن اتاپ ءوتىپ, وعان بەلسەندى جۇمىسى ءۇشىن العىسىن ءبىلدىردى.
ابىلقايىر سقاقوۆ جاڭادان سايلانعان اكىمگە ءبىرىنشى كەزەكتە اقسۋ قالاسىندا جاڭا قازاندىقتى پايدالانۋعا بەرۋدى تاپسىردى. سونىمەن قاتار, نۇرلان دۇيسەمبينوۆكە پاۆلودار وبلىسىنىڭ 2022 جىلعا ارنالعان ءىس-قيمىل باعدارلاماسىندا بەلگىلەنگەن الەۋمەتتىك باستامالاردى باقىلاۋعا الۋ قاجەت. ولاردىڭ قاتارىندا وبلىس اكىمى ءبىلىم بەرۋ سالاسى, جاستار ماسەلەسى, شوب قولداۋ جانە ت.ب. ماسەلەلەردى اتاپ ءوتتى.
نۇرلان دۇيسەمبينوۆ وبلىستىق تەكسەرۋ كوميسسياسىنىڭ توراعاسى بولىپ ەڭبەك ەتتى. 2016 جىلدان 2017 جىلعا دەيىن اقسۋ قالاسىنىڭ اكىمى قىزمەتىن اتقاردى. كەيىننەن پاۆلودار وبلىسى قارجى باسقارماسىنىڭ باسشىسى بولىپ جۇمىس ىستەدى. 2020 جىلعى ناۋرىزدان باستاپ جاڭا تاعايىنداۋعا دەيىن پاۆلودار وبلىسى اكىمى اپپاراتىنىڭ باسشىسى قىزمەتىن اتقاردى.