ۇلىبريتانيالىق بۇرىنعى كاسىپقوي بوكسشى كارل فروچ 10 جاسار ۇلىن نوكاۋتقا ءتۇسىردى, دەپ حابارلايدى Egemen.kz Vringe.com-عا سىلتەمە جاساپ.
«مەن ۇلىم روككونى ۇدايى جاتتىقتىرىپ جۇرەمىن. البەتتە, جۇپتا تۇرىپ جۇمىس ىستەگەن كەزدە باۋىر تۇسىنا سوققىلار جۇمسايمىن. مۇمكىندىگىنشە جويقىن سوققىلار دارىتۋعا دەن قويامىن. بىرەر كۇن بۇرىن سول ون جاسار ۇلىمدى نوكاۋتقا ءتۇسىردىم. الايدا بۇل جاعدايعا ونىڭ ءوزى كىنالى. قولىن جوعارى كوتەرىپ الدى دا, شىنتاقتارىمەن ءبۇيىر تۇسىن قورعاۋدى ۇمىت قالدىردى. قىزىمدى دا جاتتىقتىرىپ تۇراتىنىم بار. جالپى, مەنىڭ ۇلىم دا, قىزىم دا توبەلەسە ءبىلۋى, ءوز-ءوزىن قورعاي الۋى كەرەك. ايتكەنمەن ولاردىڭ كاسىپقوي سپورتشى بولعانىن قالامايمىن. ۇلىما: «سەنىڭ اتى-ءجونىڭ روككو فروچ بولسا, توبەلەسە ءبىلۋىڭ كەرەك» دەگەندى ءجيى ايتىپ, ميىنا قۇيىپ جۇرەمىن», دەيدى سپورتشى ءوز ويىمەن ءبولىسىپ.