ۇلىبريتانيالىق «مانچەستەر يۋنايتەد» فۋتبول كلۋبىنىڭ جارتىلاي قورعاۋشىسى پول پوگبا چەمپيوندار ليگاسىنىڭ 1/8 فينالىنداعى يسپانيالىق «اتلەتيكو» فۋتبول كلۋبىنا قارسى جاسىل الاڭدا ويناپ جۇرگەن كەزىندە قاراقشىلار ءۇيىن توناپ كەتكەنى تۋرالى اقپارات تارادى, دەپ حابارلايدى Egemen.kz.
«ول كەزدە بالالارىمىز قالىڭ ۇيقىدا جاتقان ەدى. ۇرىلار ۇيگە كىرىپ, اينالدىرعان بەس مينۋتتىڭ ىشىندە قۇندى زاتتاردى توناپ كەتكەن. ءتىپتى وتباسىمىز ءۇشىن باعاسىز, ولار ءۇشىن قۇنسىز دۇنيەنى دە قالدىرماعانى وكىنىشتى. بۇل جاعداي يسپانيالىق «اتلەتيكو» فۋتبول كلۋبىنا قارسى ءوتىپ جاتقان ويىننىڭ سوڭعى مينۋتتارىندا بولعان. كەلىنشەگىم ەكەۋمىز سول ساتتە ۇيگە قاتتى اسىقتىق. ءبىز ءۇشىن اكە رەتىندە بالالاردىڭ قاۋىپسىزدىگى ماڭىزدى. سول ءۇشىن دە قاندايدا ءبىر اقپارات بەرگەن ادامعا ويداعىداي سىياقى ۇسىنامىن», دەدى فۋتبولشى ءوزىنىڭ تۆيتتەردەگى جازباسىندا.