فۋتزالدان پولشانىڭ ياناككالا قالاسىندا ءوتىپ جاتقان جاستار اراسىنداعى (U-19) ەۋروپا بىرىنشىلىگىنىڭ ىرىكتەۋ ءتۋرنيرىن قازاقستاننىڭ ۇلتتىق قۇراماسى ءساتسىز باستادى.
تۇساۋكەسەر كەزدەسۋىندە جەرلەستەرىمىز پولشا فۋتزالشىلارىمەن شەبەرلىك بايقاستى. 7-مينۋتتا ۆاديم بۋلدين ەسەپ اشتى. بىراق قۋانىشىمىز ۇزاققا سوزىلمادى. كوپ ۇزاماي كاسپەر سەندلەۆسكي تارازى باسىن تەڭەستىردى. ۇزىلىستەن كەيىن الاڭداعى جاعداي كۇرت وزگەردى. 27-مينۋتتا رۋسلان ۇرگەنىشباەۆ قاپيادا ءوز قاقپاسىنا گول سوقسا, كوزدى اشىپ-جۇمعانشا شيمون ليزنەرسكي نىسانانى ءدال كوزدەدى. ويىننىڭ اياقتالۋىنا ساناۋلى مينۋتتار قالعاندا بۋلدين ەسەپ ايىرماشىلىعىن قىسقارتتى. الايدا ودان ارىگە ءبىزدىڭ جىگىتتەردىڭ ءالى جەتپەدى. ەسەپ – 2:3.
قالعان كەزدەسۋلەردە بىزگە جەڭىس اۋاداي قاجەت. ويتكەنى وسى تورتتىك كوماندانىڭ اراسىنان تەك ۇزدىك شىققانى عانا ىرىكتەۋ ءتۋرنيرىنىڭ كەلەسى كەزەڭىنە وتەدى.