ءموبيلدى قوعامدىق قابىلداۋلار باستالدى

كەزەكتەن تىس ءححىى سەزدە amanat پارتياسىنىڭ توراعاسى قاسىم-جومارت توقاەۆ ۇيىم جۇ­مى­سىن قايتا قۇرۋدى تاپسىرىپ, قو­عامدىق قابىلداۋ بولمەلەرى تەك شا­عىمدارمەن عانا ەمەس, ەلدى دامىتۋ بويىنشا ناقتى يدەيالارمەن كەلەتىن ازاماتتار ءۇشىن ءوز ويلارى مەن ۇسىنىستارىن ورتاعا سالاتىن ورىنعا اينالۋى ءتيىس ەكەنىن اتاپ ءوتتى. «ازاماتتاردى كوشپەلى قابىلداۋدى ءجيى وتكىزىپ, شالعاي اۋىل­داردىڭ تۇرعىندارىمەن كەزدەسۋ كەرەك», دەدى سول كەزدە پارتيا توراعاسى.

الداعى ءۇش ايدا ءموبيلدى قوعام­دىق قابىلداۋلار قازاقستاننىڭ بار­لىق وڭىرلەرىن ارالاپ, شالعاي اۋىلدارعا ەرەكشە كوڭىل بولەدى. ءموبيلدى قابىلداۋ بولمەلەرىنىڭ جۇمىسىنا ءماسليحات دەپۋتاتتارى – پارتيا فراكتسياسىنىڭ مۇ­شە­لەرى, وڭىرلىك فيليالداردان بيۋرو مەن ساياسي كەڭەس مۇشەلەرى, قو­عام­د­ىق كەڭەستەر مەن مەملەكەتتىك ورگان­دار­دىڭ وكىلدەرى جانە ت.ب. قاتىسادى. ءموبيلدى قوعامدىق قابىلداۋلار تۇ­راقتى تۇردە جۇمىس ىستەيتىن بولادى.

پارتيا مۇشەلەرى اقمولا جانە قاراعاندى وبلىستارىنىڭ تۇر­­عىندارىمەن كەزدەسۋگە كەلدى. Amanat پارتياسىنىڭ رەس­پۋب­لي­كا­لىق قوعامدىق قابىلداۋ بول­مە­سىنىڭ جەتەكشىسى ءاليا سادىر­باە­ۆا­نىڭ ايتۋىنشا, ءبىرىنشى كۇنى 100-گە جۋىق ادام قابىلدانعان. «اۋىل تۇرعىندارى پارتيانىڭ اۋداندىق نەمەسە وبلىستىق فيليالىنا ءار­دا­يىم كەلە بەرمەيدى جانە ولارعا ماسەلەنى وبلىستىق ماسليحاتتاعى پارتيا فراكتسياسىنىڭ دەپۋتاتتارىنا جەتكىزۋ وڭاي ەمەس. ءبىز تۇر­عىن­داردىڭ ءتۇيىندى ماسەلەلەردى العا تارتىپ كەلۋىن كۇتىپ وتىرماي, ولارعا ءوزىمىز بارامىز. بۇل ءبىر رەتتىك اكتسيا ەمەس, ەندى تۇراقتى تۇردە بولادى. بۇل ءتىپتى, شالعاي اۋىلداردىڭ پروبلەمالارىن نازارعا الىپ, سول بو­يىنشا جۇيەلى شەشىمدەر قابىلداۋ ءۇشىن اقپاراتتى تالداۋعا مۇمكىندىك بەرەدى», دەدى ءا.سادىرباەۆا.

قوعامدىق قابىلداۋعا العاش­قى­لار­دىڭ ءبىرى بولىپ كەلگەن اقمولا وبلىسىنا قاراستى نوۆوسەلسكوە اۋىلىنىڭ تۇرعىنى سۆەتلانا پال ەلدى مەكەندى سۋمەن جابدىقتاۋ ما­سە­لەسىن كوتەردى. ونىڭ ايتۋىنشا, سۋمەن جابدىقتاۋ جەلىلەرىنىڭ ابدەن توزىعى جەتىپ, بۇگىندە كۇردەلى جوندەۋدى قاجەت ەتەدى. «سۋدىڭ ءجيى-ءجيى ءۇزىلىپ قالۋى, مۇلدەم اقپاي قال­ۋى بىزدەرگە تاڭسىق جاعداي ەمەس. سوندىقتان دا سۋ اققان كەزدە ىدىستارىمىزدى تولتىرىپ الۋدى ادەت قىلعانبىز. بۇل قارت ادام­دار­عا, اسىرەسە جالعىزباستى ادامدارعا قيىندىق تۋعىزادى», دەدى س.پال.

ءوز كەزەگىندە ءموبيلدى قوعامدىق قابىلداۋدىڭ قۇرامىنا كىرگەن اتباسار اۋدانىنىڭ اكىمى امانبەك قالجانوۆ پارتيانىڭ سايلاۋالدى باعدارلاماسىن ورىنداۋ اياسىندا نوۆوسەلسكوە اۋىلىندا سۋمەن جابدىقتاۋ جەلىلەرىن تار­تۋ جۇ­مىستارى بيىل باستالۋى ءتيىس ەكە­نىن ايتتى. قوعامدىق قابىل­داۋ­دا بۇدان باسقا كوشەلەردى جا­رىق­­تاندىرۋ, جولداردى جوندەۋ, ينجەنەرلىك جەلىلەر مەن الەۋ­مەت­تىك ينفراقۇرىلىمعا قاتىس­تى ماسەلەلەر كوتەرىلدى. اۋدان­دىق ماسليحاتتاعى پارتيا فراك­تسيا­سىنىڭ توراعاسى نۇرجان راحى­موۆ­تىڭ ايتۋىنشا, ءاربىر ءوتىنىش بويىنشا جاۋاپتى تۇلعالار مەن ورىنداۋ مەرزىمدەرى بەلگىلەنەدى. «پارتيالىقتار حالىقپەن تىكەلەي ديالوگ ورناتۋعا, ولاردىڭ تالاپ-تىلەكتەرى مەن سۇرانىستارىن تىڭ­داۋ­عا كەلدى, بۇل وتە دۇرىس. مۇنداي كەزدەسۋلەردى مۇمكىندىگىنشە ءجيى ۇيىمداستىرعان ءجون», دەگەن اقساقال حاسەن قالمەنباەۆ اماناتتىقتارعا العىسىن ءبىلدىردى.

اماناتتىقتار اقمولا وبلىسىنا قاراستى نوۆوسەلسكوە, چاپاەۆسكوە, اقساي, ۇلگى, سابىندى سياقتى بار­لى­عى 5 اۋىلعا باردى. Amanat پار­تياسىنىڭ ءموبيلدى بريگادالارى قاراعاندى وبلىسىنىڭ شالعاي ەلدى مەكەندەرىنىڭ تۇرعىندارىنا دا قابىلداۋ وتكىزدى. پارتيالىقتار ەگەندىبۇلاق, شەشەنقارا, دۋبوۆكا, بيدايىق, ورىنباي اۋىلدارىندا بولدى. ەگىندىبۇلاقتا تۇرعىندار مال­عا ءشوپ جانە جايىلىمدىق جەر­لەر­دىڭ جوقتىعىنا شاعىمداندى. ال ­شەشەنقارا تۇرعىندارى ۇيالى بايلانىس پەن اۋىل ىشىندەگى جولداردىڭ ساپاسىنا قاتىستى ماسەلەلەردى العا تارتتى. دۋبوۆكادا ينجەنەرلىك جە­لى­لەردى جوندەۋ جانە گازداندىرۋ ماسەلەسى وزەكتى بولىپ تۇر. بيدايىق اۋىلىندا تۇرعىندار فەلدشەرلىك-اكۋشەرلىك پۋنكت سالۋدى جانە ەلەكتر ­قۋاتىنىڭ ساپاسىن جاقسارتۋ ءۇشىن قوسىمشا ترانسفورماتور ورناتۋدى سۇراپ وتىر. ورىنباي اۋىلىندا ارىز-شاعىمداردىڭ باسىم بولىگى توزىعى جەتكەن ەلەكتر جەلىلەرىنە قا­تىستى بولسا, جەرگىلىكتى شارۋا­لار اۋىلشارۋاشىلىق تاۋار وندى­رۋ­­شىلەرىنىڭ نەسيە قاراجاتىنا قول­جە­تىم­دىلىگىن ارتتىرۋدى تالاپ ەتۋدە. بارلىق سۇراقتار اماناتتىقتاردىڭ باقىلاۋىنا الىندى.

Amanat پارتياسىنىڭ قوعام­دىق قابىلداۋىنا جىل باسىنان بەرى 24,7 مىڭ ادام جۇگىنگەن. تۇر­عىن­داردى نەگىزىنەن الەۋمەتتىك قام­سىزداندىرۋ – 32%, تۇرعىن ءۇي-كوم­مۋنالدىق شارۋاشىلىق (14%), جۇمىسپەن قامتۋ جانە ەڭبەك قۇقىق­تا­رىنىڭ بۇزىلۋى (11%) سەكىلدى ماسەلەلەر تولعاندىرادى. وسى ماسە­لە­لەردىڭ 56%-ى شەشىمىن تاپتى. پار­تيا تاراتقان مالىمەتكە سايكەس, ءمو­بيلدى قوعامدىق قابىلداۋدىڭ ىسكە قوسىلۋىنا بايلانىستى بۇل ساندار ايتارلىقتاي وسكەن.