قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ جىلداعى قالىپتاسقان ءداستۇر بويىنشا حالىققا ارناعان «جاڭا قازاقستان: جاڭارۋ مەن جاڭعىرۋ جولى» اتتى جولداۋىن جولدادى, دەپ حابارلايدى Egemen.kz.
مەملەكەت باسشىسى جىلدىڭ باستى قۇجاتىندا قاسىرەتتى قاڭتار وقيعاسىنداعى ماسەلەلەرگە دە جان-جاقتى توقتالدى. ول ءوز سوزىندە ەل تۇتاستىعىن ساقتاۋ جولىندا جاسالىپ جاتقان جۇمىستاردى جوققا شىعارۋعا ۇمتىلعان جوعارى لاۋازىمداعى ازاماتتاردىڭ ساتقىندىعى جانىنا باتقانىن دا اتاپ ءوتتى. سونداي-اق ەل دامۋىندا ساياسي جاڭعىرۋ بولۋى كەرەكتىگىن تىلىنە تيەك ەتتى.
«حالىققا قاجەتتى رەفورمالاردى جۇزەگە اسىرۋ – مەنىڭ مەملەكەت باسشىسى رەتىندەگى باستى مىندەتىم. ساياسي جاڭعىرۋ بولماسا, ەلىمىزدى ورنىقتى دامىتۋ, اۋقىمدى الەۋمەتتىك-ەكونوميكالىق وزگەرىس جاساۋ مۇمكىن ەمەس. بۇل – انىق نارسە», دەدى پرەزيدەنت.