حالىقارالىق تاجىريبەنى ەسكەرە وتىرىپ, قالالاردى كەشەندى سالۋدىڭ جاڭا ستاندارتتارى ەنگىزىلەتىن بولادى. ستاندارت بوس ۋچاسكەلەردە جاڭا قۇرىلىس سالۋدى قالىپتاستىرۋ, قالىپتاسقان قۇرىلىستى قايتا قۇرۋ جانە قالا اۋماعىن اباتتاندىرۋ ماسەلەلەرىن قامتيدى, دەپ حابارلايدى Egemen.kz يدم ءباسپاسوز قىزمەتىنە سىلتەمە جاساپ.
«قۇرىلىس پروتسەسى فۋنكتسيونالدىق ارتۇرلىلىك, قۇرىلىس تىعىزدىعى, ورىن اۋىستىرۋ جايلىلىعى, تۇرعىن ءۇيدىڭ ازاماتتاردىڭ قاجەتتىلىكتەرىنە سايكەستىگى, سونداي-اق تۇرعىنداردىڭ قاۋىپسىزدىگى مەن دەنساۋلىعى قاعيداتتارىن ەسكەرە وتىرىپ جۇزەگە اسىرىلاتىن بولادى. باس جوسپارلار مەن ەگجەي-تەگجەيلى جوسپارلاۋدى ساپالى ازىرلەۋ مەن ىسكە اسىرۋدى قامتاماسىز ەتۋ ءۇشىن بارلىق دەڭگەيدەگى قالا قۇرىلىسى جوبالارىنا بىرىڭعاي قالا قۇرىلىسى ساراپتاماسىن ەنگىزۋ جوسپارلانۋدا», دەلىنگەن ۆەدومستۆو حابارلاماسىندا.
بىرىڭعاي قالا قۇرىلىسى ساراپتاماسىن ەنگىزۋ ساپالى جوسپارلاۋدى, باستاپقى ماتەريالداردى كەشەندى تەكسەرۋدى, قالا جوبالارىن ازىرلەۋ جانە كەلىسۋ تالاپتارىنىڭ ساقتالۋىن قامتاماسىز ەتەدى دەپ كۇتىلۋدە.
«2021 جىلى مەملەكەت باسشىسى قازاقستان حالقىنا ارناعان جولداۋىندا «ادامدار – ينفراقۇرىلىمعا» قاعيداتىن ساقتاي وتىرىپ, اگلومەراتسيالاردى دامىتۋ تۋرالى زاڭ جانە كەشەندى قالا قۇرىلىسىنىڭ جاڭا ستاندارتتارىن ازىرلەۋدى تاپسىرعان بولاتىن. بۇل, ەڭ الدىمەن, قالا قۇرىلىسىنا, قالا قۇرىلىسى ساراپتاماسى ينستيتۋتىنا, قۇرىلىس سالاسىندا online-ەسەپكە الۋ مەن تىركەۋگە جاڭا ستاندارتتاردى ەنگىزۋ», دەپ اتاپ ءوتتى قر يدم ءباسپاسوز قىزمەتىندە.