اسا اۋىر سالماق دارەجەسىندەگى الەمنىڭ بۇرىنعى چەمپيونى, كاسىپقوي بوكس الەمىنىڭ اڭىزى ۆلاديمير كليچكو رەسەيگە قارسى مايداندا ۋكراينا حالقى قاسىق قانى قالعانشا وتانىن قورعايتىنىن ايتتى, دەپ حابارلايدى Egemen.kz fightnews.info-عا سىلتەمە جاساپ.
«ۋكراينا ەلىنىڭ بۇكىل حالقى رەسەي كورسەتىپ جاتقان قىسىمنىڭ بەتىن قايتارىپ, قاندى مايداندى توقتاتۋعا نيەتتەنىپ وتىر. رەسەي بيلىگىنىڭ بۇل ارەكەتى ءبىزدىڭ ەرلەرىمىز بەن ارۋلارىمىزدىڭ ساعىن سىندىرا الماق ەمەس. ءبىز جۇمىلعان جۇدىرىقتاي بىرىگىپ, ءوز وتانىمىزدى جاۋدان دا, داۋدان دا قورعاۋعا ءازىرمىز. ويتكەنى ۋكراينا – ءبىزدىڭ ءۇيىمىز. مۇندا ءبىزدىڭ بالالارىمىز مەكتەپكە بارادى, ۋكراينا جەرىندە بابالارىمىز جەرلەنگەن. سوندىقتان دا قاسيەتتى توپىراقتى ەشقاشان تاستاپ كەتپەيمىز. قىسقاسى, تۋعان جەرىمىزدى قاسىق قانىمىز قالعانشا قورعايمىز», دەدى سپورتشى CNN تەلەارناسىنا بەرگەن سۇحباتىندا.