سوعىس باستالعاننان بەرى ۋكراينادان 2 ميلليون 698 مىڭ 280 ادام كەتكەن. بۇل تۋرالى بىرىككەن ۇلتتار ۇيىمىنىڭ بوسقىندار ءىسى جونىندەگى جوعارعى كوميسسارى باسقارماسىنىڭ سايتىندا جاريالاندى, دەپ حابارلايدى Egemen.kz.
بۇۇ-نىڭ بوسقىندار ءىسى جونىندەگى اگەنتتىگىنىڭ مالىمەتىنشە, پولشاعا - 1,6 ميلليوننان استام ادام, ۆەنگرياعا - 246 مىڭنان استام, سلوۆاكياعا - 195 مىڭ, رەسەيگە - 105 مىڭ, مولدوۆاعا - 104 مىڭ, رۋمىنياعا - 84 مىڭنان استام, بەلارۋس ەلىنە - 938, باسقا ەۋروپا ەلدەرىنە – 304 مىڭنان استام ادام كوشىپ بارعان.
ۋكراينادا 2022 جىلدىڭ 1 قاڭتارىنداعى جاعداي بويىنشا 41 ميلليون 167,3 مىڭ ادام تۇرعان.
ەسكە سالساق, 24 اقپانعا قاراعان ءتۇنى رەسەي پرەزيدەنتى ۆلاديمير پۋتين ۋكراينانىڭ دونباسسىندا ارنايى اسكەري وپەراتسيا باستالعانىن حابارلادى.