ۇلتتىق بانكتىڭ ۆاليۋتا ينتەرۆەنتسياسى كەيىنگى اپتادا 420 ميلليون دوللاردان استى, دەپ حابارلايدى Egemen.ءkz ۇب باسپاسوز قىزمەتىنە سىلتەمە جاساپ.
الەمدىڭ قارجى نارىعىنداعى جاعداي ءالى دە قۇبىلمالى بولىپ تۇرعانى ايتىلدى.
«ىشكى ۆاليۋتا نارىعىنداعى احۋالدىڭ تۇراقسىزدانۋىنا جول بەرمەۋ ءۇشىن 9 ناۋرىزدا قازاقستان قور بيرجاسىندا دوللار-تەڭگە جۇبى بويىنشا ساۋدا-ساتتىق فرانكفۋرت اۋكتسيونىنا ساي وتكىزىلدى. ونىڭ قورىتىندىسى بويىنشا ۇلتتىق بانكتىڭ ۆاليۋتا ينتەرۆەنتسياسى 198,9 ميلليون اقش دوللارى نەمەسە ءبىر كۇنگى ساۋداداعى جالپى كولەمنىڭ 94,4 پايىزى بولدى», دەلىنگەن حابارلامادا.
ۇلتتىق بانكتىڭ ءباسپاسوز قىزمەتى مالىمەتىنشە, سىرتقى وزگەرىستەردىڭ ەل ەكونوميكاسىنا اسەرىن بولدىرماۋ ءۇشىن جانە ىشكى ۆاليۋتا نارىعىنداعى بالانستى قولداۋ ماقساتىندا ۇلتتىق بانك ۆاليۋتا ينتەرۆەنتسياسىن جۇرگىزەدى.
«كەيىنگى اپتادا ونىڭ كولەمى 421,9 ميلليون اقش دوللارى نەمەسە بيرجالىق ساۋدانىڭ جالپى كولەمىنىڭ 59,2 پايىزى بولدى. ۇلتتىق قوردان رەسپۋبليكالىق بيۋدجەتكە ترانسفەرتتەردى قامتاماسىز ەتۋ ءۇشىن ۆاليۋتا ساتۋ 240,2 ميلليون اقش دوللارىنا تەڭ بولدى. ۇلتتىق بانكتىڭ ۆاليۋتا ينتەرۆەنتسياسى مەن ۇلتتىق قوردان ساتۋ ۇلەسى ساۋدا-ساتتىقتىڭ جالپى كولەمىنىڭ 92,9 پايىزى بولادى», دەلىنگەن حابارلامادا.
قىسقا مەرزىمدى ۋاقىت ىشىندە تەڭگەنىڭ قۇبىلمالىلىعى سانكتسياعا, ىشكى قاتىسۋشىلاردىڭ جوسپارىنا جانە الەمدىك نارىقتارداعى جاعدايعا بايلانىستى بولادى.
«بۇل رەتتە ۇلتتىق بانك ەكونوميكاداعى قۇرىلىمدىق وزگەرىستەر مەن ايىرباستاۋ باعامىنىڭ ەركىن قالىپتاسۋ قاعيداتتارىنا بەيىمدىلىك تالابى بويىنشا ينفلياتسيا تارگەتىنىڭ تولىق رەجيمىنە اۋىسۋ بويىنشا جۇمىستى جالعاستىرادى», دەلىنگەن ءۇب باسپاسوز قىزمەتىنىڭ حابارلاماسىندا.