«قازاقستان حالقىنا» قورى قازا تاپقانداردىڭ وتباسىلارىنا 7 ملن تەڭگەدەن, زارداپ شەككەن بالالاردىڭ جاقىندارىنا 3 ملن تەڭگەدەن تولەدى, دەپ حابارلايدى Egemen.kz.
«قازاقستان حالقىنا» قوعامدىق قورى قاڭتار وقيعاسىنىڭ كەزدەيسوق قۇرباندارىنىڭ تۋىستارىنا كومەكتەسۋدى جالعاستىرۋدا», دەپ حابارلادى قوردىڭ ءباسپاسوز قىزمەتى.
قور قايتىس بولعان ءۇش ازاماتتىق تۇلعانىڭ وتباسى مۇشەلەرىنە 44 ملن تەڭگە جىبەردى, ولاردىڭ مارتەبەسىن قۇزىرەتتى ورگان راستادى, سونداي-اق ءۇش جارالانعان جانە ەكى قايتىس بولعان بالانىڭ وتباسىلارىنا دا كومەك كورسەتىلدى. قازا تاپقانداردىڭ وتباسىلارىنا 7 ملن تەڭگەدەن, زارداپ شەككەن بالالاردىڭ جاقىندارىنا 3 ملن تەڭگەدەن تولەندى.
«قامقورشىلىق كەڭەستىڭ شەشىمى بويىنشا قاڭتار ايىنداعى وقيعانىڭ كەزدەيسوق قۇربانى بولعان بارلىق قازا تاپقان ازاماتتاردىڭ وتباسىلارىنا تولەمدەر قۇزىرەتتى ورگاندار ءتيىستى تىزىمدەردى جاريالاعاننان كەيىن تولەنەدى», - دەگەن اقپارات قور تاراپىنان تاعى دا ەسكە سالىندى.
تولىق تىزىمدەر بارلىق تەرگەۋ ارەكەتتەرى اياقتالعاننان كەيىن جاسالادى.