اۋا رايىنىڭ ناشارلاۋىنا بايلانىستى نۇر-سۇلتان قالاسىنىڭ ىرگەسىندەگى ەلدى مەكەندەرگە قاتىنايتىن № 315 جانە 316 اۆتوبۋس باعدارلارى ۋاقىتشا توقتادى, دەپ حابارلايدى Egemen.kz.
City Transportation Systems كومپانياسىنان ءمالىم ەتكەندەي, اتالعان ەكى جولاۋشى اۆتوبۋسىنىڭ قوزعالىسى بۇگىن ساعات 11:40-تان باستاپ توقتاتىلدى.
«قالا ماڭىنا قاتىنايتىن باسقا باعدارلار لينيادا», - دەدى كومپانيادان.
ايتا كەتەيىك, بۇرقاسىن مەن قاتتى جەلگە بايلانىستى بۇگىن نۇر-سۇلتان – تەمىرتاۋ تراسساسى جابىلدى. سونداي-اق اقمولا وبلىسىنىڭ وڭىرىندەگى بورانعا بايلانىستى كەشە بلوكپوستاردا 400-گە جۋىق كولىك كەپتەلىسى قالىپتاستى. 200-گە جۋىق ادام قۇتقارىلدى.