اۋا رايىنىڭ بۇزىلۋىنا بايلانىستى ەلوردادان شىعاتىن بىرقاتار جولداردا كولىك قوزعالىسى شەكتەلدى, دەپ حابارلايدى Egemen.kz.
Ikomek قالالىق شۇعىل قىزمەتى تاراتقان مالىمەتكە سەنسەك, 7 ناۋرىز كۇنى ساعات 14.20-دان باستاپ نۇر-سۇلتاننان شىعاتىن بىرقاتار رەسپۋبليكالىق جولدار جابىلادى.
ناقتىلاپ ايتقاندا, «ەكاتەرينبۋرگ - الماتى» جولىنىڭ 917-1247 شاقىرىم ارالىعىندا, «نۇر-سۇلتان - جاقسى اۋىلى» ۋچاسكەسىندە كولىكتىڭ بارلىق ءتۇرىنىڭ جۇرۋىنە تىيىم سالىنعان.
سونىمەن قاتار ساعات 15.00-دەن باستاپ «نۇر-سۇلتان - پەتروپاۆل» جولىنىڭ 18-231 شاقىرىمدارىنىڭ ارالىعىندا, «نۇر-سۇلتان - ششۋچينسك» ۋچاسكەسىندە كولىكتىڭ بارلىق تۇرلەرىنىڭ قوزعالىسىنا شەكتەۋ قويىلدى.
مۇنىڭ الدىندا استانادان بۇكىل باعىتتا جول اشىلعانى حابارلانعان بولاتىن.