«قازاقستان رەسپۋبليكاسىنىڭ كەيبىر زاڭنامالىق اكتىلەرىنە ساۋدا قىزمەتى, بيرجالىق ساۋدانى دامىتۋ جانە دەربەس دەرەكتەردى قورعاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىنا سايكەس, ساۋدا مينيسترلىگى بيرجالىق ساۋدا قاعيدالارىنىڭ جوباسىن ازىرلەدى, دەپ حابارلايدى Egemen.kz.
بيرجالىق ساۋدا ەرەجەلەرىندە كەلەسى نەگىزگى نورمالار قاراستىرىلعان:
- تاۋارلار مەن ساۋدا-ساتتىقتى سەكتسيالارعا ءبولۋ, ولارعا جەكە تالاپتار قويۋ;
- ءبىر مەزگىلدە بىرنەشە تاۋار بيرجالارىنا قاتىسۋعا تىيىم سالۋدى الىپ تاستاي وتىرىپ, بروكەرلەر مەن ديلەرلەردى بىرىڭعاي اككرەديتتەۋدى بەلگىلەۋ بولدى.
«قر پرەمەر-ءمينيسترىنىڭ ورىنباسارى - ساۋدا جانە ينتەگراتسيا ءمينيسترى باقىت سۇلتانوۆتىڭ توراعالىعىمەن مۇددەلى مەملەكەتتىك ورگاندارمەن جانە بيزنەس-قوعامداستىق وكىلدەرىمەن بىرلەسىپ قاعيدالار نورمالارىن تالقىلاۋ بويىنشا كەڭەس وتكىزىلدى. تالقىلاۋ قورىتىندىسى بويىنشا ب. سۇلتانوۆ قاعيدالاردىڭ جەكەلەگەن نورمالارىن ودان ءارى پىسىقتاۋ جونىندە تاپسىرما بەردى», دەلىنگەن مينيسترلىك مالىمەتىندە.