ستراتەگيالىق جوسپارلاۋ جانە رەفورمالار جونىندەگى اگەنتتىكتىڭ مالىمەتىنشە, جىل باسىندا قازاقستاندا ايەلدەر سانى 9,8 ملن, ەرلەر 9,3 ملن-دى قۇرايدى, دەپ حابارلايدى Egemen.kz.
ايەلدەر قاۋىمى بۇكىل ەل حالقىنىڭ 51,4%-ىن قۇرايدى. قالالاردا تۇراتىن ايەلدەر سانى 6 ملن, ال اۋىلداعىلار سانى 3,8 ملن. بەلگىلى بولعانداي, ايەلدىڭ ورتاشا جاسى 33,5 جاس. ورتاشا نەكەگە تۇرۋ جاسى – 24. نازىك جاندىلاردىڭ ءومىر ءسۇرۋ ۇزاقتىعى – 75,5 جاس.
ايەلدەرگە ەڭبەك نارىعىندا ەكونوميكالىق بەلسەندى حالىقتىڭ 48,5%-ى تيەسىلى. وتكەن جىلعى مالىمەت بويىنشا, ايەلدەر قاۋىمى ءبىلىم بەرۋ, بيزنەس جانە اكىمشىلەندىرۋ, ساتۋشىلار مەن ساتۋ قىزمەتكەرلەرى, ساۋدا جانە قىزمەت كورسەتۋ سالاسىندا جۇمىس ىستەيدى.
ايتا كەتەرلىگى, ەلىمىزدە ەر ادامدارعا قاراعاندا ايەلدەردىڭ ايلىعى 22%-عا تومەن. جۇمىسسىزدىق دەڭگەيى وتكەن جىلدىڭ ءتورتىنشى توقسانىندا 4,9%-دى قۇرادى, بىراق ەگەر ەرلەر ءۇشىن كورسەتكىش 4,1%-عا جەتسە, ايەلدەر ءۇشىن – 5,1%. پاندەمياعا دەيىن ايەلدەر اراسىندا جوعارى بىلىممەن قامتىلۋ كورسەتكىشى 73,2%-دى, ال ەرلەر اراسىندا 61,1%-دى قۇرادى.