روسكومنادزور رەسەي اۋماعىندا Meta كومپانياسىنا تيەسىلى Facebook پەن Twitter الەۋمەتتىك جەلىلەرىن بلوكقا قويدى, دەپ حابارلايدى Egemen.kz تاسس اگەنتتىگىنە سىلتەمە جاساپ.
ۆەدومستۆو بەرگەن اقپاراتقا ساي, 2020 جىلدىڭ قازانىنان باستاپ رەسەيلىك باق پەن اقپاراتتىق رەسۋرستاردى الەۋمەتتىك جەلى تاراپىنان كەمسىتۋدىڭ 26 جاعدايى تىركەلگەن.
«2022 جىلدىڭ 4 ناۋرىزى كۇنى رەسەي فەدەراتسياسىنىڭ اۋماعىندا Facebook الەۋمەتتىك جەلىسىن (Meta Platforms, Inc. كومپانياسىنىڭ يەلىگىندە) بلوكتاۋ تۋرالى شەشىم قابىلداندى», دەلىنگەن ۆەدومستۆو حابارلاماسىندا.
سونىمەن قاتار رەسەيدە Twitter الەۋمەتتىك جەلىسىنىڭ جۇمىسى توقتاتىلدى. روسكومنادزور قىزمەتىنىڭ اقپاراتى بويىنشا, Twitter شەكتەۋ رەسەيدىڭ فەدەرالدىق زاڭىنىڭ «اقپارات, اقپاراتتىق تەحنولوگيالار جانە اقپاراتتى قورعاۋ تۋرالى» 15.3-بابىنىڭ نەگىزىندە قويىلدى.