پرەزيدەنت ءىس باسقارماسى الماتىداعى مەملەكەت باسشىسىنىڭ رەزيدەنتسياسى نەگە سۇرىلەتىنىن ءتۇسىندىردى, دەپ حابارلايدى Egemen.kz.
ءپىب ءباسپاسوز قىزمەتى مالىمەتىنشە, ساراپشىلار رەزيدەنتسيا عيماراتىنىڭ پايدالانۋعا جارامدىلىعى شەكتەۋلى دەگەن قورىتىندى جاساعان.
ء«ورت پەن وتە جوعارى تەمپەراتۋرا سالدارىنان بارلىق جۇك كوتەرگىش قۇرىلىم مەن شاتىردىڭ نەگىزى سانالاتىن مەتالل ەلەمەنتتەرى زاقىمدانعان. عيماراتتىڭ ساقتالىپ قالعان بولىگىندەگى ءورت ءيىسىن تولىعىمەن جويۋ مۇمكىن ەمەس.
ونىڭ ۇستىنە, بۇگىندە نىساننىڭ كەيبىر قۇرىلىمدىق ەلەمەنتتەرى قولدانىستاعى قۇرىلىس نورمالارى مەن ەرەجەلەرىنە سايكەس كەلمەيدى. عيماراتتىڭ نەگىزگى قۇرىلىمدارىن قالپىنا كەلتىرۋ جانە ونىڭ سەيسميكالىق نىعايتىلۋىنا وراسان زور كۇردەلى سالىمدار قاجەت», دەدى پرەزيدەنت ءىس باسقارماسى وكىلدەرى.
ساراپشىلاردىڭ پىكىرىنشە, رەزيدەنتسيانى جوندەۋ جانە وندا بەلسەندى جۇمىس ىستەۋ دە قاۋىپتى. ءپىب ءباسپاسوز قىزمەتى عيماراتتى بۇزۋ زاڭمەن بەلگىلەنگەن بارلىق ءراسىمدى ساقتاي وتىرىپ جۇرگىزىلەتىنىن حابارلادى.