قازاقستان رەسەيمەن اۆتوموبيل ونەركاسىبىندەگى ىنتىماقتاستىقتى نىعايتادى

جيىنعا ۇاك-ءتىڭ تەڭ توراعالارى قازاقستان تاراپىنان قر پرەمەر-ءمينيسترىنىڭ ورىنباسارى – ساۋدا جانە ينتەگراتسيا ءمينيسترى باقىت سۇلتانوۆ, رەسەي تاراپىنان رف ۇكىمەتى توراعاسىنىڭ ورىنباسارى الەكسەي وۆەرچۋك قاتىستى.

تاراپتار ساۋدا-ەكونوميكالىق ىنتىماقتاستىق, وتىن-ەنەرگەتيكا كەشەنى, ونەركاسىپ, كولىك, اۋىل شارۋاشىلىعى سالالارىنداعى ءوزارا ءىس-قيمىلدىڭ اۋقىمدى ماسەلەلەرىن تالقىلادى.

قازاقستان مەن رەسەي بيلىكتىڭ ءارتۇرلى دەڭگەيلەرىندەگى كەزدەسۋلەردىڭ قارقىندىلىعىمەن نىعايتىلعان مەملەكەتارالىق بايلانىستاردىڭ بارلىق سپەكترى بويىنشا ەكىجاقتى ءوزارا ءىس-قيمىلدىڭ ءداستۇرلى جوعارى دەڭگەيىنە يە.

بيىل ەلدەر ديپلوماتيالىق قاتىناستاردىڭ ورناعانىنا 30 جىل تولۋىن اتاپ وتۋدە. قازاقستان مەن رەسەي اراسىنداعى تاۋار اينالىمى 2021 جىلى 24,2 ملرد دوللاردى قۇرادى, بۇل 2020 جىلمەن سالىستىرعاندا 29,1% - عا ارتىق.

وتىرىس بارىسىندا باقىت سۇلتانوۆ قوس ەل اراسىنداعى ساۋدا كولەمى تاياۋ جىلدارى 30 ملرد دوللارعا جەتۋى مۇمكىن ەكەنىن اتاپ ءوتتى. قازاقستان مەن رەسەي اراسىندا تابىستى ونەركاسىپتىك كووپەراتسيانىڭ مول تاجىريبەسى بار. بۇگىندە ماشينا جاساۋ, مەتاللۋرگيا, حيميا ونەركاسىبى جانە ت.ب. سالالاردا شامامەن 2,6 ملرد دوللار سوماعا سەگىز ءىرى بىرلەسكەن جوبا ىسكە اسىرىلۋدا. ونىڭ ايتۋىنشا, شامامەن 1,4 ملرد دوللار سوماعا تاعى 11 جوبا پىسىقتاۋ ساتىسىندا تۇر.

«ماشينا جاساۋ - ونەركاسىپتىك كووپەراتسيانىڭ نەگىزگى باعىتى. ءبىز مۇناي-گاز ماشينا جاساۋ سالاسىنداعى جاڭا كووپەراتسيالىق جوبالاردى ىسكە اسىرۋعا, اۆتوكومپونەنتتىك بازا قۇرۋعا مۇددەلىمىز. قۇرامداس بولىكتەر مەن قوسالقى بولشەكتەر ءوندىرىسىن يگەرۋ ارقىلى اۆتوموبيل ونەركاسىبىندەگى ىنتىماقتاستىقتى كەڭەيتۋگە نيەتتىمىز», دەدى باقىت سۇلتانوۆ.

سونداي-اق, قازاقستاندىق تاراپتىڭ باستاماسى بويىنشا رەسەي نارىعىنا جوعارى ۆولتتى جابدىقتاردىڭ قول جەتكىزۋ ماسەلەسى قارالدى. ءبىر-ءبىرىنىڭ نارىقتارىنا ءوزارا كەمسىتۋسىز قول جەتكىزۋدى قامتاماسىز ەتۋ, ونىڭ ىشىندە جابدىقتى اتتەستاتتاۋ كەزىندە ناقتى بۇزۋشى سىناقتاردىڭ ورنىنا «ەسەپتەۋ ءادىسىن» پايدالانۋ جانە وسى تاجىريبەنى «جوعارى ۆولتتى جابدىقتىڭ قاۋىپسىزدىگى تۋرالى» ەاەو تەحنيكالىق رەگلامەنتىنە جەدەل قول قويۋ ماقساتىندا پايدالانۋ, مەملەكەتتىك جانە جەكەلەگەن زاڭدى تۇلعالاردىڭ ساتىپ الۋىنا تەڭ قول جەتكىزۋ ماسەلەسىن پىسىقتاۋ جانە رەسەيدىڭ ءىرى جەلىلىك ەنەرگەتيكالىق كومپانيالارىنا قول جەتكىزۋ ءۇشىن كورسەتكىشتەردىڭ كوپشىلىگى بويىنشا قازاقستاندىق زەرتحانالاردا ورىندالعان سىناقتاردى تانۋ ۋاعدالاستىققا قول جەتكىزىلدى. رەسەي تاراپى مەتاللۋرگيا, عىلىمي جانە وندىرىستىك سالاداعى كووپەراتسيانى كەڭەيتۋگە مۇددەلىلىك ءبىلدىردى.

تاراپتار تسيفرلىق كۇن ءتارتىبى, كەدەندىك-سالىقتىق اكىمشىلەندىرۋدى جەتىلدىرۋ ماقساتىنداعى ءوزارا ءىس-قيمىل, گيدروەنەرگەتيكا سالاسىنداعى جانە جاڭارتىلاتىن ەنەرگيا كوزدەرى سالاسىنداعى ىنتىماقتاستىقتى جانداندىرۋ ماسەلەلەرىن قوسا تالقىلادى.

جيىن سوڭىندا باقىت سۇلتانوۆ ەكىجاقتى ىنتىماقتاستىقتىڭ بارلىق باعىتتارى بويىنشا ءوزارا ءىس-قيمىلدى ودان ءارى ارتتىرۋعا ءازىر ەكەنىن جەتكىزدى.

تالقىلاۋ قورىتىندىسى بويىنشا قازاقستان-رەسەي ۇكىمەتارالىق كوميسسياسىنىڭ XXIII وتىرىسىنىڭ حاتتاماسىنا قول قويىلدى.

ۇكىمەتارالىق كوميسسيانىڭ كەلەسى XXIV وتىرىسى كەلەر جىلى قازاقستان رەسپۋبليكاسىندا وتەدى.