باس پروكۋراتۋرانىڭ ءبىرىنشى قىزمەت باسشىسىنىڭ ورىنباسارى ەلدوس قيلىمجانوۆ قاڭتارداعى تارتىپسىزدىكتەر كەزىندە قارۋ-جاراق دۇكەنىن توناپ كەتكەندەرگە قاتىستى ۇكىمدى جاريالادى, دەپ حابارلايدى Egemen.kz.
«الماتى قالاسى المالى اۋداندىق سوتىنىڭ ۇكىمى بويىنشا, وڭتاي مەن جەڭىسحان «الپامىس» اڭشىلىق دۇكەنىنەن قارۋ ۇرلاعانى ءۇشىن كىنالى دەپ تانىلدى. سوت ولاردى بەس جىلعا باس بوستاندىعىنان ايىردى», دەدى قيلىمجانوۆ وكق بريفينگىندە.
ونىڭ ايتۋىنشا, لاڭكەستىك ارەكەتتەر مەن تارتىپسىزدىكتەردەن بولەك, توناۋ, ۇرلىق, قارۋ-جاراق ۇرلاۋ, قۇقىق قورعاۋ ورگاندارى قىزمەتكەرلەرىنە كۇش قولدانۋ فاكتىلەرى تەكسەرىلىپ جاتىر.