قازاقستان پرەزيدەنتى قاسىم-جومارت توقاەۆ Twitter-دەگى پاراقشاسىندا بىرىككەن ۇلتتار ۇيىمىن نىعايتۋ قاجەتتىگى تۋرالى پىكىر ءبىلدىردى, دەپ حابارلايدى Egemen.kz.
ول 30 جىل بۇرىن قازاقستان بۇۇ-نىڭ تولىققاندى مۇشەسى اتانعانىن ەسكە سالدى.
«قازاقستان وسىدان 30 جىل بۇرىن بىرىككەن ۇلتتار ۇيىمىنا مۇشە بولدى. ءبىز بۇۇ-مەن جاھاندىق قاۋىپسىزدىكتى قامتاماسىز ەتۋ جانە وركەنيەتتى قوعام قۇرۋ ماسەلەسىنە بايلانىستى ىنتىماقتاستىق ورناتتىق. گەوساياسي احۋال ۋشىعا تۇسكەن قازىرگى كەزدە وسى ۇيىمنىڭ الەۋەتى مەن ءرولىن ارتتىرا ءتۇسۋ كەرەك», دەپ جازدى مەملەكەت باسشىسى.