الماتى پوليتسياسى ءىرى ەسىرتكى زەرتحاناسىن جويدى, دەپ حابارلايدى Egemen.kz Polisia.kz سايتىنا سىلتەمە جاساپ.
سينتەتيكالىق ەسىرتكى شىعاراتىن تسەح قالقامان شاعىن اۋدانىنداعى جەكە ءۇيدىڭ جەرتولەسىندە جۇمىس ىستەگەن. بەلگىلى بولعانداي, ءۇي وتكەن جىلدىڭ قازان ايىندا جاس جىگىتكە جالعا بەرىلگەن.
ء«تىنتۋ كەزىندە پوليتسيا قىزمەتكەرلەرى مەفەدرون سينتەتيكالىق پسيحوتروپتىق زاتىن ءوندىرۋ كەزىندە قىلمىسكەرلەر پايدالانعان ۇنتاق جانە كەسەك تۇرىندەگى زاتتاردى, حيميالىق زاتتار سالىنعان پلاستيك ىدىستاردى, سۇيىقتىقتارى بار كولبالاردى, ەلەكتروندى تارازىلاردى جانە باسقا دا قۇرالداردى تاركىلەدى.
ەسىرتكى شىعارۋعا جاۋاپتى – 23 جاستاعى و.ەسىمدى ازامات. تولىق ەمەس مەديتسينالىق ءبىلىمى بار جاس جىگىت ەسىرتكى ءوندىرىسىن جولعا قويعان. بارلىعى ەسىرتكى زەرتحاناسىندا بىرنەشە كەلى كەپتىرىلگەن زاتتار تاركىلەندى. ولاردىڭ ءتۇسى ءارتۇرلى: اق, قارا, جاسىل, قوڭىر. ءبىر قاپتاما قوڭىر ء«شوپتىڭ» سالماعى شامامەن 160 گرامم, اق – 500. بۇل دايىن ءونىم جانە ونى دوزاعا ساي وراۋ كەرەك بولدى», دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
جەرتولەدەن تابىلعاننىڭ ءبارى: سۇيىق, كريستالدى جانە ۇنتاق كۇيىندە, سوت-حيميالىق ساراپتاماعا جىبەرىلدى.
سوتقا دەيىنگى تەرگەۋ باستالدى.