ۋكراينانىڭ كاتوۆيتسە قالاسىنان اتىراۋعا دەيىن ۇشاتىن العاشقى رەپاترياتسيالىق رەيس نۇر-سۇلتان ۋاقىتىمەن 15:30-عا بەلگىلەندى, دەپ حابارلايدى Egemen.kz.
بۇل تۋرالى قر يدم ازاماتتىق اۆياتسيا كوميتەتى حابارلادى.
«ۋكرايناداعى جاعدايعا بايلانىستى قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگى قازاقستان رەسپۋبليكاسىنىڭ سىرتقى ىستەر مينيسترلىگىمەن, قازاقستان رەسپۋبليكاسىنىڭ ۋكرايناداعى جانە پولشاداعى ەلشىلىكتەرىمەن, سونداي-اق «ەير استانا» اۆياكومپانياسىمەن بىرلەسىپ, قازاقستان ازاماتتارى ءۇشىن ۋكراينادان رەپاترياتسيالىق رەيستەردى ۇيىمداستىرۋ ماسەلەسىن پىسىقتادى», دەپ حابارلادى ۆەدومستۆو.
قازاقستاندىق ازاماتتاردى شىعارۋ بويىنشا كس 2203 العاشقى رەيسى اتىراۋدان كاتوۆيتساعا (پولشا) 28 اقپاندا نۇر-سۇلتان ۋاقىتىمەن ساعات 09:53-تە ۇشىپ كەتتى. اۋە كەمەسىنىڭ ءتيپى ا321 (سىيىمدىلىعى 179 ورىندىق).
«كاتوۆيتسە قالاسىنان اتىراۋعا ۇشۋدىڭ جوسپارلانعان ۋاقىتى 28 اقپان ساعات 10:30-دا (كاتوۆيتسە ۋاقىتىمەن)», دەپ قوستى ۆەدومستۆو.