اتىراۋ وبلىسىندا ەكى اۋدان ورتالىعىن ەرىگەن قار سۋى باستى, دەپ حابارلايدى Egemen.kz.
«اتىراۋ وبلىسىنىڭ يندەر جانە قىزىلقوعا اۋداندارىندا ەرىگەن قاردان سۋ تاسقىنىن بولدىرماۋ ءۇشىن اۆاريالىق-قۇتقارۋ جۇمىستارى جۇرگىزىلۋدە. يندەربور اۋدان ورتالىعىندا كوشە بولىگىندەگى ەرىگەن قار سۋىنىڭ تەرەڭدىگى 30 سانتيمەترگە جەتتى. يندەر اۋدانى جارسۋات اۋىلىنىڭ كوشەلەرىن دە سۋ باستى. ەرىگەن قار سۋىن توقتاتۋ بارىسىندا توتەنشە جاعدايلار دەپارتامەنتىنىڭ قىزمەتكەرلەرى ارنايى تەحنيكامەن قاتىسادى.
قىزىلقوعا اۋدانىنىڭ ميالى اۋدان ورتالىعىندا دا وسى جاعداي بويىنشا اۆاريالىق-قۇتقارۋ جۇمىستارى جۇرگىزىلۋدە. قىزىلقوعا اۋدانى ميالى اۋىلىنىڭ قارابالين جانە اققۋ كوشەلەرىندە 280 م3 سۋ ارنايى تەحنيكامەن جويىلدى . اتىراۋ وبلىسى توتەنشە جاعدايلار دەپارتامەنتىنىڭ 5 قىزمەتكەرى, 2 ارنايى ماشينا جانە جەرگىلىكتى اتقارۋشى ورگاننىڭ 2 موتوپومپاسى جۇمىلدىرىلدى», دەپ حابارلايدى اتىراۋ وبلىسى تجد قوعاممەن بايلانىس توبى.
بۇعان دەيىن قر تجم توتەنشە جاعدايلاردىڭ الدىن الۋ دەپارتامەنتىنىڭ باستىعى رۋستامبەك امرين ەلىمىزدىڭ سۋ تاسقىنى قاۋپى بار ايماقتارىن اتادى.