ءسىم رەسمي وكىلى ايبەك سمادياروۆتىڭ ايتۋىنشا, ۋكرايناداعى قاقتىعىس باستالعان العاشقى كۇننەن باستاپ قازاقستاندىق ديپلوماتتاردى ۋكراينادان ەرتەرەك الىپ شىقپاعانى تۋرالى ۆەدومستۆو وكىلدەرىنە ساۋال قويىلدى, دەپ حابارلايدى Egemen.kz.
«ەگەر ولار ءبىرىنشى بولىپ ەۆاكۋاتسيالانسا, باسقا ازاماتتاردى قالاي قۇتقارادى؟ كابۋلداعى جاعداي ەستەرىڭىزدە مە؟ ول كەزدە دە ءدال وسىلاي بولعان. ياعني, ءبىزدىڭ ديپلوماتتارىمىز قازىر سول جەردە جۇمىس ىستەپ, ازاماتتارىمىزعا بارىنشا كومەك كورسەتۋدە, سودان كەيىن ولاردى ەۆاكۋاتسيالاۋ تۋرالى ماسەلەنى قاراستىرامىز», دەدى قر ءسىم رەسمي وكىلى ايبەك سمادياروۆ.
سمادياروۆ ديپلوماتتاردىڭ دا قاراپايىم ازامات ەكەندىگىن اتاپ ءوتتى. ولار اتىس كەزىندە قالا بويىنشا قوزعالا المايدى.
«قۋانىشقا وراي, ءبىزدىڭ ازاماتتارىمىزدىڭ اراسىندا زارداپ شەككەندەر جوق. ازىرگە بىزگە ونداي دەرەكتەر كەلگەن جوق. جاعداي ءدال وسىلاي بىرقالىپتى جالعاسا بەرەدى دەپ ۇمىتتەنەمىن», دەپ قوستى ايبەك سمادياروۆ