رەسەيدىڭ ۋكرايناعا قارسى جالعاسىپ جاتقان اسكەري وپەراتسياسى اياسىندا فرانتسيا بيلىگى رۋمىنياعا 500 اسكەري جانە بروندى كولىك جىبەرۋ تۋرالى شەشىم قابىلدادى, دەپ حابارلايدى Egemen.kz.
بۇل تۋرالى فرانتسيا باس شتابىنىڭ باسشىسى تەرري بۋرشار مالىمدەدى.
ونىڭ ايتۋىنشا, بۇل شەشىم ناتو-نىڭ شىعىس قاناتىن قولداۋ ءۇشىن قابىلدانعان.
ول ۋكراينادا ءجۇرىپ جاتقان سوعىسقا بايلانىستى ەستونيادا 200-250 فرانتسۋز اسكەرى, سونداي-اق 4 Mirage 2000 اسكەري ۇشاعى ورنالاساتىنىن اتاپ ءوتتى.
ەسكە سالساق, 24 اقپانعا قاراعان ءتۇنى رەسەي پرەزيدەنتى ۆلاديمير پۋتين ۋكراينانىڭ دونباسسىندا ارنايى اسكەري وپەراتسيا باستالعانىن حابارلادى.