2021 جىلى م ۇلىكتى جالعا بەرگەن نەمەسە م ۇلىكتى وتكىزۋ كەزىندە قۇن وسىمىنەن تابىس تاپقان جەكە تۇلعالار 2022 جىلدىڭ 31 ناۋرىزىنان كەشىكتىرمەي, سالىق دەكلاراتسياسىن ۇسىنۋى كەرەك. بۇل تۋرالى قارجى مينيسترلىگىنىڭ مەملەكەتتىك كىرىستەر كوميتەتى حابارلادى.
2022 جىلعى 31 ناۋرىزدا 2021 جىلعا «جەكە تابىس سالىعى بويىنشا دەكلاراتسيا» 240.00-نىسانىن تاپسىرۋ مەرزىمى اياقتالادى. دەكلاراتسيانى جەكە تۇلعالار تابىستاردىڭ مىناداي تۇرلەرىن العان كەزدە تابىس ەتەدى:
- سالىق اگەنتتەرى بولىپ تابىلمايتىن تۇلعالارعا م ۇلىكتى جالعا بەرۋدەن تۇسەتىن كىرىس;
- قازاقستان رەسپۋبليكاسىندا م ۇلىكتى (مەنشىك قۇقىعى تۋىنداعان كۇننەن باستاپ وتكىزۋ كۇنىنە دەيىن نىسانالى ماقساتى جەكە تۇرعىن ءۇي قۇرىلىسى, ساياجاي قۇرىلىسى, جەكە قوسالقى شارۋاشىلىقتى جۇرگىزۋ, گاراج سالۋ, سونداي-اق وبەكتىلەر, مەحانيكالىق كولىك قۇرالدارى جانە (نەمەسە) تىركەمەلەر ورنالاسپاعان باعباندىق بولىپ تابىلاتىن, كەمىندە ءبىر جىل مەنشىك قۇقىعىنداعى پاتەرلەر, ۇيلەر, ساياجاي قۇرىلىستارى, گاراجدار, جەكە قوسالقى شارۋاشىلىق وبەكتىلەرى, جەر ۋچاسكەلەرى جانە (نەمەسە) جەر ۇلەستەرى) وتكىزۋ كەزىندە قۇن وسىمىنەن تۇسەتىن كىرىس;
- قازاقستان رەسپۋبليكاسىندا وزگە م ۇلىكتى (جىلجىمايتىن مۇلىكتى, جەر ۋچاسكەلەرىن جانە (نەمەسە) جەر ۇلەستەرىن, ينۆەستيتسيالىق التىندى, باعالى قاعازداردى, تۋىندى قارجى قۇرالدارىن, زاڭدى تۇلعانىڭ جارعىلىق كاپيتالىنا قاتىسۋ ۇلەسىن) وتكىزۋ كەزىندە قۇن وسىمىنەن تۇسەتىن كىرىس;
- تالاپ ەتۋ قۇقىعىن, ونىڭ ىشىندە تۇرعىن ءۇي قۇرىلىسىنا ۇلەستىك قاتىسۋ تۋرالى شارت بويىنشا تۇرعىن ۇيدەگى (عيماراتتاعى) ۇلەستى تالاپ ەتۋ قۇقىعىن باسقاعا بەرۋدەن تۇسەتىن كىرىس;
- قازاقستان رەسپۋبليكاسىنان تىس جەرلەردەگى كوزدەردەن الىنعان م ۇلىكتى وتكىزۋدەن (م ۇلىكتى, باعالى قاعازداردى, بورىشتىق باعالى قاعازداردى, قاتىسۋ ۇلەسىن وتكىزۋدەن) تۇسكەن كىرىس;
- جارعىلىق كاپيتالعا سالىم رەتىندە م ۇلىكتى (اقشادان باسقا) بەرۋ كەزىندە قۇن وسىمىنەن تۇسەتىن كىرىس;
- شاعىن بيزنەس سۋبەكتىلەرى ءۇشىن نە شارۋا نەمەسە فەرمەر قوجالىقتارى ءۇشىن ارناۋلى سالىق رەجىمىن قولداناتىن جەكە كاسىپكەردىڭ وزگە دە اكتيۆتەرىن وتكىزۋ كەزىندە قۇن وسىمىنەن تۇسەتىن كىرىس.
بۇدان باسقا, دەكلاراتسيانىڭ 240.00-نىسانىن ءوز تابىستارى بويىنشا ادۆوكاتتار, نوتاريۋستار, سوت ورىنداۋشىلارى, مەدياتورلار, ەڭبەكشى كوشىپ كەلۋشىلەر-رەزيدەنتتەر, ءۇي قىزمەتكەرلەرى, بەيرەزيدەنت-جەكە تۇلعالار سالىق كودەكسىنىڭ 19-بولىمىنە سايكەس شەت مەملەكەتتەردىڭ ديپلوماتيالىق جانە ولارعا تەڭەستىرىلگەن وكىلدىكتەرىمەن, كونسۋلدىق مەكەمەلەرىمەن جاسالعان ەڭبەك شارتتارى (كەلىسىمشارتتارى) جانە (نەمەسە) ازاماتتىق-قۇقىقتىق سيپاتتاعى شارتتار بويىنشا جۇمىسكەر تابىسىن العان قازاقستان رەسپۋبليكاسىنىڭ ازاماتتارى, سالىق كودەكسىنىڭ نورمالارىنا سايكەس سالىق اگەنتتەرى بولىپ تابىلمايتىن قوعامدىق ۇيىمدار مەن قورلار, سونداي-اق 2021 جىلعى 31 جەلتوقسانداعى جاعداي بويىنشا قازاقستان رەسپۋبليكاسىنان تىس جەرلەردە تىركەلگەن جىلجىمايتىن م ۇلىككە, باعالى قاعازدارعا مەنشىك قۇقىعى, زاڭدى تۇلعانىڭ جارعىلىق كاپيتالىنا قاتىسۋ ۇلەسى بار جەكە تۇلعالار تاپسىرۋعا مىندەتتى.
جىلدىڭ قورىتىندىسىمەن جەكە تۇلعا 2022 جىلعى 10 ساۋىردەن كەشىكتىرمەي, كىرىستىڭ 10% مولشەرىندە دەربەس تولەۋى قاجەت.
دەكلاراتسيانى جەكە تۇلعالار ورنالاسقان (تۇرعىلىقتى) جەرى بويىنشا سالىق ورگانىنا قاعاز تۇرىندە جانە e-Salyq Azamat ءموبيلدى قوسىمشاسى نەمەسە cabinet.salyk.kz web-پورتالداعى سالىق تولەۋشىنىڭ كابينەتى ارقىلى ەلەكتروندى تۇردە تاپسىرا الادى.