گاگارين كۋبوگىنىڭ پلەي-وفف ماتچتارىنا دايىندىق بارىسىندا قازاقستاندىق «بارىس» حوككەي كلۋبى ءۇش جولداستىق كەزدەسۋ وتكىزدى. ولاردىڭ بارلىعى رەسەي استاناسى ماسكەۋدە ءوتتى, دەپ حابارلايدى Egemen.kz.
بۇگىن, 24 اقپاندا وتكەن سوڭعى جولداستىق ماتچتا قازاقستاندىقتار ماسكەۋلىك «دينامودان» 3:6 ەسەبىمەن ۇتىلدى.
«بارىس» ساپىندا ەگور پەتۋحوۆ, نيكيتا ميحايليس جانە اركادي شەستاكوۆ ناتيجەلى شايبالارمەن كوزگە ءتۇستى.
وسىلايشا, مۇز يەلەرى «بارىستان» كەشەگى جەڭىلىس ءۇشىن كەك الدى.
ەسكە سالا كەتسەك, قازاقستاندىق حوككەيشىلەر ماسكەۋدەگى ءبىرىنىشى ويىنىندا «سپارتاك» كلۋبىن 7:2 ەسەبىمەن جەڭدى.
ەندى «بارىس» كەلەسى ويىنىن 1 ناۋرىز كۇنى سىرت الاڭدا «مەتاللۋرگپەن» وتكىزەدى, بۇل پلەي-وفف راۋندىنىڭ العاشقى كەزدەسۋى بولماق.