بۇل تۋرالى قر باس پروكۋراتۋراسى ارنايى پروكۋرورلىق قىزمەت باسقارماسىنىڭ باسشىسى ريزابەك وجاروۆ «كازاحستانسكايا پراۆدا» باسىلىمىنا بەرگەن سۇحباتىندا مالىمدەدى, دەپ حابارلايدى Egemen.kz.
«كۇنى كەشە عانا جاۋاپ الۋدىڭ رۇقسات ەتىلمەگەن ادىستەرىن قولدانۋ فاكتىلەرى بويىنشا قىلمىستىق ىستەردى قابىلدادىق. بۇعان دەيىن ولاردى سىبايلاس جەمقورلىققا قارسى قىزمەت تەرگەگەن. مۇنداي ىستەردىڭ بارلىعى بىزگە تاپسىرىلعان جوق. بىزگە تەك اۋىر زارداپتار, دالىرەك ايتساق, ۇستالعانداردىڭ ءولىمى تىركەلگەن جاعدايلار عانا ۇسىنىلدى. بىزگە جەتكەن مالىمەت بويىنشا, رۇقسات ەتىلمەگەن ادىستەردى قولدانۋ ارقىلى جاۋاپ الۋ سالدارىنان الماتىداعى ۋاقىتشا ۇستاۋ اباقتىسىندا ەكى ادام, شىعىس قازاقستان وبلىسىندا ءۇش ادام جانە تالدىقورعاندا ءبىر ادام قازا تاپقان», دەدى ريزابەك وجاروۆ.