ورتسايلاۋكوم قر پارلامەنتى سەناتىنىڭ دەپۋتاتتارىن سايلاۋ بويىنشا سايلاۋ قۇجاتتارىنىڭ نىسانىنا وزگەرىستەر دايىندادى, دەپ حابارلايدى Egemen.kz.
اتاپ ايتقاندا, داۋىس بەرۋ كەزىندە پايدالانىلاتىن سەنات دەپۋتاتىن سايلاۋ جونىندەگى سايلاۋ بيۋللەتەندەرىنە «بارلىعىنا قارسىمىن» دەگەن باعان ەنگىزۋ جوسپارلانۋدا.
وسىلايشا, داۋىستاردى ساناۋ ناتيجەلەرى تۋرالى سايلاۋ كوميسسيالارىنىڭ حاتتامالارىنا جانە داۋىستاردى ساناۋ ناتيجەلەرى تۋرالى حابارلاۋ نىسانىنا دا ءتيىستى وزگەرىستەر ەنگىزىلەتىن بولادى.
بيۋللەتەن كەلەسى جاعدايلاردا جارامسىز دەپ تانىلادى:
بەلگىلەنبەگەن ۇلگىدە بولسا; ءتيىستى سايلاۋ كوميسسياسى مۇشەسىنىڭ قولى قويىلماسا; بىرەۋدەن ارتىق كانديدات بەلگىلەنسە; بەلگى قارىنداشپەن قويىلسا, تازارتۋ ىزدەرى نەمەسە باسقا دا ادىستەر قولدانىلسا; سايلاۋشىنىڭ تاڭداۋىن انىقتاۋ مۇمكىن ەمەس بولسا.وسك قاۋلىسىنىڭ جوباسى 9 ناۋرىزعا دەيىن «اشىق نقا» سايتىندا جاريا تالقىلاۋ ءۇشىن ورنالاستىرىلعان.