اقش رەسەيگە قارسى الدىن-الا سانكتسيالار ازىرلەدى. اتاپ ايتقاندا رەسەيدىڭ ءىرى بانكتەرىنىڭ ترانزاكتسيالارىن وڭدەۋگە تىيىم سالىنادى, دەپ جازادى Egemen.kz Reuters اگەنتتىگىنە سىلتەمە جاساپ.
رەسەي ۋكرايناعا «شابۋىل» جاساعان جاعدايدا بىرقاتار شەكتەگە تاپ بولۋى مۇمكىن. اگەنتتىك جازعانداي, سانكتسيالار بانكتەر اراسىنداعى «كوررەسپوندەنتتىك» قاتىناستاردى بۇزۋ ارقىلى رەسەي ەكونوميكاسىنا زيان كەلتىرۋگە باعىتتالعان.
اقش اكىمشىلىگى رەسەيلىك تۇلعالار مەن كومپانيالارعا سانكتسيالار سالۋدى جوسپارلاپ وتىر. رەسەيدى قارا تىزىمگە (SDN پاراعى) قوسىپ, ولاردى اقش بانك جۇيەسىنەن شىعارادى. سونىمەن قاتار, امەريكا ازاماتتارىمەن ساۋدا جاساۋعا تىيىم سالىنادى جانە رەسەي اقش-تاعى اكتيۆتەرىن توقتاتادى.
20 اقپاندا اقش وكىلدەر پالاتاسىنىڭ سپيكەرى, دەموكرات نەنسي پەلوسي ميۋنحەندەگى قاۋىپسىزدىك كونفەرەنتسياسىندا «رەسەي ۋكرايناعا شابۋىل جاساعان جاعدايدا بۇرىن سوڭدى بولماعان قاتاڭ جازا بەرىلەدى», دەپ مالىمدەدى.
وتكەن جىلدىڭ كۇزىنەن باستاپ باتىس باق, سونداي-اق ۋكراينانىڭ اقپارات كوزدەرى رەسەيدىڭ ۋكرايناعا «اۋقىمدى شابۋىل» دايىنداپ جاتقاندىعى تۋرالى دابىل قاقتى.
ال ماسكەۋ مۇنداي مالىمدەمەلەردىڭ جالعان ەكەندىگىن حابارلادى.
ايانا توعانبەك
ەۇۋ ستۋدەنتى