تاياۋدا عانا يسپانيادا اياقتالعان «حاەن كلاسسيكاسىندا» توپ جارعان قازاقستاندىق ۆەلوشابانبدوز الەكسەي لۋتسەنكو سول ەلدەگى «اندالۋسيا ۆۋەلتاسى» كوپكۇندىگىندە دە تابىستى ونەر كورسەتۋدە.
اتالعان جارىستىڭ ءتورتىنشى تۋرىندا Astana Qazaqstan Team كلۋبىنىڭ سەركەسى نيدەرلانديالىق ۆاۋت پۋلستان عانا قالىپ قويىپ, ەكىنشى ورىندى يەلەندى. «پەلاتوننان وزىپ كەتۋ ءۇشىن كوپ كۇش جۇمسادىم. ونىڭ ۇستىندە كۇنى كەشە عانا «حاەن كلاسسيكاسىنا» قاتىسقان ەدىم. ول دودادا دا ءبىراز تەر توگۋگە تۋرا كەلدى. سول سايىستاردا ءبىراز شارشاڭقىراپ قالعانىم وسى كەزەڭدە انىق سەزىلدى. بىراق ءبىرىنشى ورىن الماسام دا, بۇگىنگى كورسەتكىشىمە كوڭىلىم تولدى. ەندى ءبىزدى فينالدىق كەزەڭ كۇتىپ تۇر. ول تاۋلى ايماقتا وتەدى. سول باسەكەدە دە بارىمىزدى سالامىز», دەيدى اندرەي لۋتسەنكو.
«اندالۋسيا ۆۋەلتاسىنىڭ» ءتورتىنشى كەزەڭىنەن كەيىن قىزعالداقتار ەلىنىڭ وكىلى ۆاۋت پۋلس كوش باسىنا شىقتى. ەكىنشى ورىندا Astana Qazaqstan Team كلۋبىنىڭ مۇشەسى انحەل لوپەس. ال جالپىكوماندالىق ەسەپتە قازاقستاندىق ۇجىم الدىنا جان سالار ەمەس.