نۇر-سۇلتاندا تەننيستەن قىسقى قازاقستان چەمپيوناتى ءوز مارەسىنە جەتتى. بۇل جارىستا ەلىمىزدىڭ بىرقاتار مىقتى ويىنشىسى باق سىنادى.
ايەلدەر اراسىنداعى باسەكەنىڭ باس جۇلدەسىن جىبەك قۇلامباەۆا مەن گوزال اينيتدينوۆا ءوزارا ساراپقا سالدى. جىبەك ءبىرىنشى سەتتى ەش قينالماي-اق ءوز پايداسىنا شەشسە, ەكىنشىسىن گوزال وتە ءساتتى باستاپ, 3:0 ەسەبىمەن العا شىقتى. بىراق بۇل جاعداي قۇلامباەۆانىڭ ەڭسەسىن تۇسىرە المادى. قالعان ۋاقىتتا شيراق قيمىلداعان ول تارازى باسىن تەڭەستىردى. ەسەپ – 6:3, 7:5. قولا جۇلدە ارۋجان ساعاندىقوۆاعا بۇيىردى. شەشۋىشى تۇستا ول ەكاتەرينا دميتريچەنكونى ەڭسەردى – 6:4, 7:6, ەرلەر سايسىندا تاجىريبەلى دەنيس ەۆسەەۆ پەن جاس دارىن بەيبىت جۇقاەۆ كۇش سىناستى. ەكەۋارا تارتىستا بەيبىتتىڭ باعى جاندى – 7:6, 6:2. بۇل – 21 جاستاعى ماڭعىستاۋ وبلىسى تۇلەگىنىڭ سپورتتىق مانسابىنداعى ازىرگە ەڭ ءىرى تابىسى. ءۇشىنشى ورىندى دميتري لوماكين يەلەندى.
ەرلەر مەن ايەلدەر اراسىندا وتكەن جۇپتىق سايىستاردا جىبەك قۇلامباەۆا مەن ەكاتەرينا دميتريچەنكو جانە دەنيس ەۆسەەۆ پەن گريگوري لوماكينعا تەڭ كەلەر ەشكىم تابىلمادى.