جامبىل وبلىسىندا قاڭتارداعى تارتىپسىزدىكتەر كەزىندە جانعىش قوسپاسى بار بوتەلكەلەر تاراتقان ادام ۇستالدى. بۇل تۋرالى وبلىستىق پوليتسيا دەپارتامەنتى حابارلادى, دەپ جازادى Egemen.kz.
«6 قاڭتارعا قاراعان ءتۇنى ساعات 20.00-دە تاراز قالاسىنداعى قازىبەك بي كوشەسىندە سۇر ءتۇستى Mitsubishi Diamante اۆتوكولىگى تۇرعان. اۆتوكولىكتەگى ادامدار كولىكتىڭ مەملەكەتتىك تىركەۋ ءنومىرىن الىپ, جۇكسالعىشقا سالىپ قويعان. كولىك جۇرگىزۋشىسى جانعىش قوسپاسى بار بەس ليترلىك ىدىس الىپ كەلىپ, بوتەلكەلەرگە قۇيىپ, ميتينگىگە شىققاندارعا تاراتقان», دەدى پوليتسيا وكىلدەرى.
بۇل دەرەك بويىنشا قر قىلمىستىق كودەكسىنىڭ 255-بابى 4-بولىگى بويىنشا (تەرروريزم اكتى) سوتالدى تەرگەۋ ءجۇرىپ جاتىر.
جەدەل-ىزدەستىرۋ شارالارى كەزىندە پوليتسەيلەر 44 جاستاعى تۇرعىندى ۇستاعان. ول الماتى وبلىسىنىڭ بۇرىن سوتتالعان تۇرعىنى. كۇدىكتى تەرگەۋ يزولياتورىنا قامالدى.