بۇكىلالەمدىك بوكس كەڭەسى (WBC) بارلىق سالماق دارەجەسىندەگى رەيتينگىسىن جاڭارتتى, دەپ جازادى Egemen.kz Prosports.kz-كە سىلتەمە جاساپ.
قازاقستاندىق سپورتشىلاردىڭ رەيتيگتەگى ورنى مىناداي:
اسا اۋىر سالماقتا ونەر كورسەتەتىن جان كوسوبۋتسكي 19-ورىندى ساقتاپ قالدى.
ءبىرىنشى اۋىر سالماقتاعى قامشىبەك قوڭقاباەۆ 32-ساتىدا تۇر.
ەكىنشى ورتا سالماقتاعى ايدوس ەربوسىن ۇلى مەن ءالي احمەدوۆ 17 جانە 21 قاتارعا جايعاسقان.
جانىبەك ءالىمحان ۇلى ورتا سالماقتاعى رەيتينگتە ءتورتىنشى ورىندا تۇر, ال مەيىرىم نۇرسۇلتانوۆ 17 ساتىدان 10 ورىنعا كوتەرىلدى.
ءبىرىنشى ورتا سالماقتاعى سادريددين احمەدوۆ 20 قاتاردا تۇر.
جارتىلاي ورتا سالماقتاعى دانيار ەلەۋسىنوۆ ءۇش ساتى جوعالتىپ, 23 ورىنعا يە بولدى. ال تالعات شايكەن 37 ساتىدا تۇر.
ءبىرىنشى جارتىلاي ورتا سالماقتا باتىر جۇكەمباەۆ 22 ورىندا, ال رۋسلان ماديەۆ 39 قاتاردا تۇر.