اتىراۋ وبلىسى يندەربور اۋدانىنىڭ ورتالىعىندا «نۇرلى جەر» باعدارلاماسى بويىنشا سالىنعان 80 پاتەرلى تۇرعىن ءۇيدىڭ قولدانىسقا بەرىلگەنىنە جارتى-اق جىل بولدى, دەپ جازادى Egemen.kz.
ايماقتىق «اقجايىق» باسىلىمى اتالعان ءۇيدىڭ تۇرعىندارى جىلىتۋ ماسەلەسىنە ءجيى شاعىمداناتىنىن جازىپ ءجۇر. جاقىندا مۇنداعى پاتەرلەردىڭ توبەسىنەن سۋ اققان.
ء«بىز بەسىنشى قاباتتا تۇرامىز. مەن جۇمىستان كەلگەندە قورقىنىشتى كورىنىسكە تاپ بولدىم. پاتەردىڭ توبەسىنەن اققان سۋ بۇكىل كىرەبەرىستى باسىپ كەتتى. قابىرعاداعى سىلاق قۇلاپ جاتىر», دەدى تۇرعىنداردىڭ ءبىرى.
اۋدان اكىمدىگىنىڭ ءباسپاسوز قىزمەتىنىڭ حابارلاۋىنشا, سۋىق سۋ قۇبىرىنداعى كىدىرىس سالدارىنان اپاتتىق جاعداي تۋىنداعان. بۇل تۋرالى مەردىگەر «سمك-4» مەكەمەسىنە ەسكەرتىلگەن.
ال ولار بەلگىلەنگەن مەرزىمدە جوندەۋ جۇمىستارىن جۇرگىزۋى ءتيىس.