ءال-فارابي اتىنداعى قازۇۋ جۋرناليستيكا فاكۋلتەتى «مەدياسفەرا» گۋمانيتارلىق عىلىمي زەرتتەۋ ورتالىعىنىڭ ۇيىمداستىرۋىمەن وتكەن ءىح حالىقارالىق جۋرناليستيكا جانە كوممۋنيكاتسيا قىسقى مەكتەبى اياسىندا دۇنيەجۇزىلىك راديو كۇنىنە وراي ء«ححى عاسىرداعى راديونىڭ ءرولى: جاھاندىق پەرسپەكتيۆا, تۇراقتى دامۋ, سەنىمدى اقپاراتقا قول جەتكىزۋ, ادام تاعدىرىنا اسەرى» تاقىرىبىندا كونفەرەنتسيا بارىسىندا عالامدىق راديونىڭ اقپارات جەتكىزۋدەگى زاماناۋي مۇمكىندىكتەرى تالقىلاندى.
سۇراپىل سوعىس جىلدارىندا دا, توتەنشە جاعدايلار كەزىندە دە اقپاراتتى دالمە ءدال جەتكىزۋدىڭ ۇلگىسى بولىپ تابىلاتىن راديونىڭ ينتەرنەت داۋىرىندەگى قاجەتتىلىگى, راديو جۋرناليستەردى دايىنداۋدىڭ ماڭىزدىلىعىنا قاتىستى ماماندار پىكىرلەرىمەن ءبولىسىپ, شەبەرلىك ساعاتتارى ءوتتى.
راديونىڭ جەر جۇزىندە پايدا بولۋى كوپتەگەن شەتەلدىك عالىمداردىڭ ەسىمىمەن تىعىز بايلانىستى. ال قازاق دالاسىندا راديو ءۇنىنىڭ تارالۋى وتكەن عاسىردىڭ جيىرماسىنشى جىلدارىنىڭ باسىنان باستاۋ الادى. وتكەن جىلى قازاق راديوسىنىڭ 100 جىلدىعى اتاپ ءوتىلدى. بۇگىندە ادامزاتتى اقپاراتپەن قامتاماسىز ەتۋدە تاريحي داۋىرلەردى وتكەرگەن راديو حابارلار تاراتۋ ءوندىرىسى ينتەرنەت كەزەڭىنىڭ قاراما-قايشىلىقتارىمەن بەتپە-بەت كەلۋدە.
ءال-فارابي اتىنداعى قازۇۋ-دىڭ جۋرناليستيكا فاكۋلتەتى حالىقارالىق جۋرناليستيكا جانە كوممۋنيكاتسيا قىسقى مەكتەبى ءبىلىم الۋشى جاستار مەن تاجىريبەلى جۋرناليستەر ءۇشىن مەديا-ديالوگ الاڭى بولىپ تابىلادى. بيىلعى جىلى ءال-فارابي اتىنداعى قازۇۋ يۋنەسكو تاقىرىبىن قولداي وتىرىپ, دۇنيەجۇزىلىك راديو كۇنىن «راديو جانە سەنىم» تاقىرىبىمەن اتاپ ءوتتى.
تسيفرلى راديوتەحنولوگيالاردى قولدانۋ بويىنشا جاڭا ءبىلىم مەن تاجىريبەلىك داعدىلاردى الۋ, بۇۇ تۇراقتى دامۋ ماقساتتارى – بەيبىتشىلىك, ءادىل سوت جانە ءتيىمدى ينستيتۋتتار ماقساتىن جاريالاۋدا جاڭا تەحنولوگيالار مەن ادىستەردى ۇيرەنۋ, ينتەرنەت جانە تسيفرلى ساۋاتتىلىق ماسەلەلەرى بويىنشا جاڭا داعدىلار مەن قۇزىرەتتىلىكتى ۇيرەنۋ, سونىمەن بىرگە راديوجۋرناليستيكا تۋرالى ءبىلىمدى كەڭەيتۋ سياقتى اۋقىمدى تاقىرىپتاردى قامتىعان كونفەرەنتسيا بارىسىندا ماماندار ءوز تاجىريبەلەرىمەن ءبولىستى.
راديونىڭ زامانۋي قوعامداعى ءرولى, اقپارتتى جەدەل جەتكىزەتىن ءموبيلدى قىزمەتى تۇرعىسىندا ءال-فارابي اتىنداعى قازۇۋ جۋرناليستيكا فاكۋلتەتىنىڭ دەكانى سانسىزباي ماديەۆ, بۇۇ جاھاندىق كوممۋنيكاتسيالار دەپارتامەنتىنىڭ وكىلى ۆلاستيميل سامەك, بۇۇ-نىڭ قازاقستان رەسپۋبليكاسىنداعى اقپاراتتىق بيۋروسىنىڭ باسشىسى, التاي مەملەكەتتىك ۋنيۆەرسيتەتىنەن فيلولوگيا عىلىمدارىنىڭ دوكتورى ەلەنا ۆاسيلەۆنا لۋكاشەۆيچ, پروفەسسور, وزبەكستان دۇنيەجۇزىلىك ەكونوميكا جانە ديپلوماتيا ۋنيۆەرسيتەتىنىڭ پروفەسسورى پاتيما مۋمينوۆا, سىرتقى ىستەر مينيسترلىگىنىڭ الماتى قالاسىنداعى وكىلدىگىنىڭ ساياسي ىنتىماقتاستىق باسقارماسىنىڭ باسشىسى الماشا ارەنوۆا, يۋنەسكو حالىقارالىق جۋرناليستيكا جانە قوعامدىق مەديا كافەدراسىنىڭ دوتسەنتى الەكساندر روجكوۆ, PhD, عىلىمي كەڭەسشى رافيس ابازوۆ, ءال-فارابي اتىنداعى قازۇۋ, ءباسپاسوز جانە ەلەكتروندى باق كافەدراسىنىڭ مەڭگەرۋشىسى گۇلميرا سۇلتانباەۆا, قازۇۋ اقپارات جانە كوممۋنيكاتسيالار دەپارتامەنتىنىڭ Farabi media سۋتۋدياسىنىڭ باس ساراپشىسى باحىت قۇرمانبەكوۆ, ت.ب. عالىمدار قاتىستى.
قازاقستان, اۋعانستان, قىتاي, رەسەي, وزبەكستاننان قاتىسقان عالىمدار, سونىمەن قاتار جوعارى وقۋ ورىندارىنىڭ ستۋدەنتتەرى, ماگيسترانتتار, دوكتورانتتار جانە دە باق وكىلدەرى ءۇشىن بۇل جيىن راديوجۋرناليستيكا, تسيفرلى تەحنولوگيالار ءورىسىن كەڭەيتۋ مۇمكىندىكتەرىنە قاتىستى اقپارات الۋعا مۇمكىندىك بەردى.